掃呢頁CODE去手機

2016年3月16日 星期三

上進小花 名店豪試表 沈卓盈溝掂新仔搬離公屋 [FACE - 460] __,沈卓盈,MF,

沈卓盈上月去咗尖沙咀海港城Cartier揀名表,成個人富貴晒!真面目上進小花 名店豪試表 沈卓盈溝掂新仔搬離公屋31歲沈卓盈上年同火爆富貴男友Ray分手後,已經搬離同居嘅禮頓山豪宅,返回青衣住公屋。但估唔到話咁快又搭上富貴新仔,最近仲同遊銅鑼灣又食雪條放閃。據沈卓盈好友透露,佢已經又再脫貧,溝掂新仔同住港島區;日前沈大師更去咗睇名表,忽然富貴晒!沈卓盈(Jess)上年7月至同有米男友麥偉汶分手,死 ...


沈卓盈上月去咗尖沙咀海港城 Cartier揀名表,成個人富貴晒!

真面目

上進小花 名店豪試表 沈卓盈溝掂新仔搬離公屋

31歲沈卓盈上年同火爆富貴男友 Ray分手後,已經搬離同居嘅禮頓山豪宅,返回青衣住公屋。

但估唔到話咁快又搭上富貴新仔,最近仲同遊銅鑼灣又食雪條放閃。據沈卓盈好友透露,佢已經又再脫貧,溝掂新仔同住港島區;日前沈大師更去咗睇名表,忽然富貴晒!

沈卓盈( Jess)上年 7月至同有米男友麥偉汶分手,死死地氣搬番青衣長青邨娘家公屋,估唔到話咁快又有新歡四眼男埋身, Jess真係好搶手喎!

極速同居

有沈卓盈密友向本刊爆料,指 Jess同四眼男已經打得火熱,而且已經脫貧冇再住青衣公屋,搬咗去港島區跟男友同住。而上月中沈卓盈出席完活動之後,着住白衫紅裙一支公去咗尖沙咀海港城,二話不說就入咗 Cartier睇手表,叫店員攞咗幾隻貴表試上手,睇嚟沈卓盈又再富貴番!

呢位新歡四眼男,早前同 Jess同遊銅鑼灣,兩人喺雪糕店食雪條兼自拍,一出鋪頭四眼男就搭住 Jess膊頭, Jess亦回敬一招繑手冧對方。雖然事後 Jess只肯承認對方只係朋友,正常社交咁話,不過亦大讚四眼男好 gentleman。

沈卓盈早前同四眼男繑手同遊銅鑼灣,雖然唔認係男友,但據她身邊好友透露,兩人已經同居。《蘋果日報》圖片

將車泊喺酒店之後行街,沈卓盈試完名表就施施然返酒店攞車。

行街途中,不時用手機 send短訊,唔知係咪想叫男友一齊嚟揀呢!

風度真係好緊要,事關 Jess前男友麥偉汶雖然係金融才俊,但係脾氣認真麻麻,拍緊拖嗰陣,不時傳出男友愛飲酒後返屋企搞到家嘈屋閉,上年 5月兩人分手前,喺停車場嗌大交,男友更用網球拍拍打 Jess架車嘅車窗,當時 Jess坐喺車入面嚇到花容失色,好彩並冇受傷;後來 7月就宣布分手喇!所以有錢當然重要,有風度都好緊要㗎!

早前四眼男同沈卓盈去銅鑼灣雪糕店食雪條,步出雪糕店時四圍望怕被人發現。《蘋果日報》圖片

前男友 Ray曾被指暴躁拍打沈卓盈車窗,兩個月後終於分手。圖片

上年同前男友分手後,沈卓盈即搬返青衣公屋住所。圖片

Jess最近夥拍黎耀祥演《公公出宮》,不過出鏡率唔多。(網上圖片)

有本事

沈卓盈喺大台撈咗十幾年,可惜做嚟做去都係做配角,撈唔掂唔緊要,最緊要目標為本啫!沈卓盈呢方面好有本事,以往男友都係有米之人,使乜驚呀!

《蘋果日報》圖片

沈卓盈同徐淑敏最老友,徐淑敏都嫁咗個有米老公, Jess當然有心唔怕遲,最緊要唔執輸啫!

《蘋果日報》圖片

沈卓盈幾年前曾經搭上飛機師 Simon,可惜 10年甩拖;之後同金融才俊麥偉汶行咗幾年, Jess更由公屋搬到禮頓山同男友同居,但可惜上年分手,好彩最近又搭上有米四眼男, Jess真係有本事。

採訪、撰文:娛樂組

攝影:娛樂突發組


鍾意就快D Share啦!