網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月23日 星期三

好淒涼 澳門做骨妹 素顏梁詠琪街頭喊天光 [FACE - 461] __,梁詠琪,MF,

又凍又落雨,素顏Gigi埋位時都唔理得咁多,交足戲㗎!真面目好淒涼 澳門做骨妹 素顏梁詠琪街頭喊天光Gigi梁詠琪繼喺《香港仔》化身「巨胸女星」後,最近終有新搞作!今次再擔正於新戲《骨妹》飾演按摩女郎,雖然冇性感戲份,不過全片都要素顏出鏡,靚媽Gigi仲話好輕鬆添!上週Gigi喺澳門大三巴拍攝外景,街頭喊天光真係交足戲。《骨妹》是Gigi產後復出頭炮,不惜犧牲湊女時間,不過,就算拍完通宵戲都會趕船 ...


又凍又落雨,素顏 Gigi埋位時都唔理得咁多,交足戲㗎!

真面目

好淒涼 澳門做骨妹 素顏梁詠琪街頭喊天光

Gigi梁詠琪繼喺《香港仔》化身「巨胸女星」後,最近終有新搞作!今次再擔正於新戲《骨妹》飾演按摩女郎,雖然冇性感戲份,不過全片都要素顏出鏡,靚媽 Gigi仲話好輕鬆添!上週 Gigi喺澳門大三巴拍攝外景,街頭喊天光真係交足戲。

《骨妹》是 Gigi產後復出頭炮,不惜犧牲湊女時間,不過,就算拍完通宵戲都會趕船返香港,見少阿女一日都唔得!

拍攝當晚澳門天氣都幾凍,仲落住毛毛雨,難怪 Gigi頻頻「包雲吞」。

雖然要去到澳門拍戲,不過 Gigi每次拍完通宵都即時趕返香港見寶貝女 Sofia。

喊足 5粒鐘

《骨妹》故事講 Gigi係上咗岸嘅骨妹詩雅(同英皇詩雅撞名!),因收到好姊妹死訊,重返澳門憶起嘅種種往事,除咗主角 Gigi全戲需要素顏上陣,內心戲份重極考驗演技,明俾位佢爭戲后!

上星期《骨妹》喺澳門大三巴街頭拍外景,當晚 Gigi拍攝一 roll機就喊到收唔到聲, Gigi一埋位就拍足 5粒鐘勁投入。

嫩版 Gigi起機

飾演年輕版 Gigi嘅廖子妤,新戲中唔使露,飾演骨妹,戲中亦有一場要幫客人做「手作仔」,不過都係點到即止。

戲中廖子妤同 Jennifer(左)係骨妹姊妹花, Jennifer大家應該唔係好認得,佢男友就係陳家樂。

「見識到演技!」

最後拍到天光先收工的 Gigi,隨即趕去碼頭搭頭班船回港見寶貝女 Sofia!至於首次同 Gigi同場嘅廖子妤大賣口乖︰「我覺得 Gigi真係好好人!好開心可以同佢合作,以前讀書時已經有人話我似佢,冇諗過之後可以做到佢嘅年輕版,嗰日都好開心,見識到佢嘅演技,學到好多嘢!」

廖子妤之前拍《同班同學》已經情緒爆煲,今次都一樣抽離唔到,「日日都係瞓得一、兩個鐘又要繼續拍,好擔心自己表現,積埋好多壓力唔識得舒緩,投入咗好多感情,所以 cut機後一時抽離唔到,情緒一下就爆發出嚟,好彩大家都好諒解我!」

未埋位前, Gigi一個人匿埋一角熟讀劇本兼入戲,冇人敢騷擾佢。

臨離開澳門, Gigi仲做埋攝影師兼入戲幫同行同事影相添!

新戲除咗有 Gigi,仲有一班實力派演員,好似戲中飾演好姊妹嘅車婉婉同久違嘅麥家琪。

愈來愈放

好多人以為 Gigi係唱歌出道,查實佢 96年推出唱片, 95年已經同劉德華拍《烈火戰車》;多年來 Gigi亦提名過多次「最佳女主角」,可惜仍未一嘗影后滋味,今次擺明又想叫糊

14'

Gigi喺《香港仔》化身「巨胸女星」,仲要著泳衣,戲中破格演出令人睇到嘩嘩聲。

07'

孖住薛凱琪拍攝電影《女仔本色》,獲提名第十二屆香港電影金紫荊獎「最佳女主角」,可惜仍未能奪下影后殊榮。

99'

電影《心動》 Gigi獲提名金馬獎、香港電影金紫荊獎同金像獎「最佳女主角」三項提名,演技開始受到注意。

95'

初試啼聲,拍住劉德華演出《烈火戰車》,演技已經獲提名金像獎最佳新演員,成功闖出名堂。

採訪、撰文:娛樂組


鍾意就快D Share啦!