網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月13日 星期日

與鄺祖德IG曖昧對質 慧嫻嘆遇痴情意外 __,

呢段對話,究竟有啲咩深層含意,相信得當事人先知...但個對話畀人嘅感覺,就肯定係好曖昧。next1/1preIG對話截圖next1/1preIG對話截圖next1/1pre陳慧嫻早前喺演唱會度愛的自白,話自己愛上一個有男朋友嘅男人,即刻傳出意中人係歌手鄺祖德!過咗幾日,鄺祖德發長文道盡同慧嫻嘅關係,話因為年齡同屋企人關係,所以要將呢段啱啱「有所發展」嘅關係急停!呢段相差12載嘅姊弟戀,未開花就爛尾 ...


呢段對話,究竟有啲咩深層含意,相信得當事人先知...但個對話畀人嘅感覺,就肯定係好曖昧。

next 1/1 pre

IG對話截圖

next 1/1 pre

IG對話截圖

next 1/1 pre

陳慧嫻早前喺演唱會度愛的自白,話自己愛上一個有男朋友嘅男人,即刻傳出意中人係歌手鄺祖德!

過咗幾日,鄺祖德發長文道盡同慧嫻嘅關係,話因為年齡同屋企人關係,所以要將呢段啱啱「有所發展」嘅關係急停!呢段相差12載嘅姊弟戀,未開花就爛尾收場,認真可惜。

其實今年50歲嘅慧嫻話晒情路經歷多多,點解會無端端做咗傻女,搞出呢單「痴情意外」呢?依家就帶大家去番一個星期前,睇番鄺祖德喺Instagram同慧嫻嘅網上對話,慧嫻講明畀支針拮到入心入肺,大家睇完,應該都會明白呢支針係邊個...

話說鄺祖德喺ig放咗張合照,係當日慧嫻演唱會綵排時,鄺祖德走去探班影嘅合照,事後仲以「探班」、「傻女」、「sorry can't stay long」做埋hashtag,而慧嫻即刻留言話:「痴情...意外」。鄺祖德就回覆話唔覺慧嫻唱過呢首歌,點知慧嫻就留言:「你的心不在,又怎麼會看得清楚?當然有這首歌...30年前潘源良先生給我寫的歌詞,今天終於明白意思,又怎可能不唱?」

嗱嗱嗱!重點嚟嘞!明顯慧嫻係講梗唱咗三十年嘅《痴情意外》,但到今日先至真正明白當中嘅意思,又話鄺祖德個心都唔喺度,真係已經非常到肉,基本上係畫公仔畫出腸。點知鄺祖德只係讚潘源良嘅歌詞好正又有意思,仲反問慧嫻使唔使唱足三十年先至明,又承認當晚要去錄音,所以個心唔喺度,終於,慧嫻嚟一個「神回」:「針唔拮到肉唔知痛呀!最近無啦啦畀針拮,痛到入心入肺,唉,有啲嘢要經歷過先知明喎。」

去到呢一刻,真係唔知鄺祖德係咪get到慧嫻嘅意思,佢不單反問:「千支針刺在身?」,又話針可以拮人,但更可以修補傷口。好明顯鄺祖德同慧嫻開始喺處於FM同AM兩個channel,而慧嫻都唔理得咁多,強調:「係千支刺在"心"」,又反問:「你講緊針救(灸)?我諗拮傷人嘅針,同針救(灸)嘅針係兩種好唔同嘅針,我好明顯係用錯針!」

講到咁明,鄺祖德都dead air,冇再回應。我諗,去到呢度,慧嫻應該係唱梗:「碰到真情誰願拒人千里外,不過這刻,怕被熱愛,也許痴情全是惱人的意外,剛停住它卻又來。」


來源 source: http://hk.on.cc
鍾意就快D Share啦!


Related Posts Plugin for WordPress, Blogger...