網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月31日 星期四

湯唯揸庄老公揸機 大住肚拍 MV [壹週刊 - 1360] __,湯唯,M1,

揸住香港身份證,湯唯決定留港生B。娛樂偵訊湯唯揸庄老公揸機 大住肚拍MV14年閃嫁韓籍導演金泰勇,講明婚後不設防的湯唯,上個月宣布造人成功。佗B四個月的她,早前更秘密同老公來港拍MV,著住超低胸長裙的準媽咪,發福不少。08年透過「優才計劃」成為香港人的湯唯,計劃留在香港生B,此程兩公婆順道搵定醫院,為BB出世做好準備。不容有失由《黃金時代》到《命中注定》,湯唯孭正的電影,票房連遇滑鐵盧,要收復失地 ...


揸住香港身份證,湯唯決定留港生 B。

娛樂偵訊

湯唯揸庄老公揸機 大住肚拍 MV

14年閃嫁韓籍導演金泰勇,講明婚後不設防的湯唯,上個月宣布造人成功。佗 B四個月的她,早前更秘密同老公來港拍 MV,著住超低胸長裙的準媽咪,發福不少。

08年透過「優才計劃」成為香港人的湯唯,計劃留在香港生 B,此程兩公婆順道搵定醫院,為 BB出世做好準備。

不容有失

由《黃金時代》到《命中注定》,湯唯孭正的電影,票房連遇滑鐵盧,要收復失地,食胡新戲《北京遇上西雅圖之不二情書》不容有失,大住肚都要做空中飛人,做完北京發布會,上週又孖住老公秘密來港拍 MV,老婆做女主角,金泰勇做導演,兩公婆拍住上。不過,此行最主要任務並不是拍 MV,而是物色心水醫院生 B。揸香港身份證的湯唯,計劃完成手頭上工作,便留在香港待產。

「今次嚟香港,湯唯去咗中環一個好出名嘅婦科醫生診所做產檢,又同老婆去過跑馬地一帶睇 apartment,等部戲嘅宣傳完晒,佢就留番喺香港等生。」知情者透露。

第一次做歌手拍 MV,湯唯老公金泰勇(箭嘴)做導演,兩公婆拍住上。

佗住 4個月肚的湯唯,明顯肚凸凸,但上圍就冇升 cup。

六人團隊服侍大肚婆,好大陣仗。

MV扮演失戀中女,湯唯對住條街失控狂叫。

導演上身

拍 MV當日,拍攝隊中午在中環碼頭附近開工,出名飛機場的湯唯,著住超低胸長裙,中門大開。佗 B四個月,身形明顯圓潤了不少,但上圍維持原狀,未升 cup!

拍失戀歌 MV,劇情講俾仔飛的湯唯孤單行海邊,其間失控當街大叫,行行吓又除低髮夾、頸巾,最後連手袋都丟埋。

做戲難唔倒影后,但做歌手就要下苦功。未理位,湯唯一直口噏噏背歌詞,拍攝期間,湯唯更導演上身,多次主動嗌 cut,又經常指手畫腳俾意見,一個 shot拍足廿次,先肯收貨。老婆話事,金泰勇只是執行導演。

完成《北京遇上西雅圖之不二情書》宣傳後,湯唯正式停工,專心待產。

14年同韓籍導演金泰勇閃婚後,湯唯積極造人,早前宣布佗猴 B。

攬實取暖

憑住電影《三城記》提名影后,湯唯凸肚拍海報。

由於落住微雨,近海邊又大風。一 cut機,六名工作人員一擁而上,服侍大肚婆,披上大褸遞熱飲,金泰勇更加攬實老婆取暖,兩公婆一齊睇 playback,有商有量。

拍完外景,大隊轉場去附近一間餐廳拍室內,湯唯要走出門口對住條街失控狂嗌。由朝早九點,直踩到傍晚七點,大肚婆攰到冇晒表情,拍完收工走先,金泰勇就跟大隊,留低執埋啲手尾。

撰文、攝影、攝錄:娛樂組


鍾意就快D Share啦!