方力申同鄧麗欣(Stephy)拍拖10年，上周四突然透過經理人公司發聯合聲明宣佈分手，小方噚日獨自見記者禁不住流下男兒淚，承認雙方「有問題解決唔到」，全城關注!分手雖然係兩個人嘅事，但佢哋身邊朋友都好關心，今日讀者陳先生就透過「爆相爆片」，爆小方今日去咗跑馬地Hong Kong Football Club嘅私人會所做運動，身邊仲有Stephy好姊妹吳雨霏嘅「網球王子」老公洪立熙（Brian）相陪，睇嚟小方同Stephy應該真係和平分手，能夠做到再見亦是朋友，如果唔係Stephy老友Kary都唔會畀自己老公陪住，開解吓對方讀者陳先生透露今日下午12點，見到小方同Brain先去咗健身房做GYM，約1點鐘準備離開之際，佢哋就去咗買酒。片中見到戴住鴨舌帽、全身黑衫配黑褲嘅小方，成程面無表情，隱約聽見Sales姐姐話：「兩隻唔同味，Tequila淡啲。」陳先生表示：「佢(小方)原本想揀Tequila，諗住啃啲，但最後都係揀咗支220蚊紅酒，嗰支約14、5度。仲聽見佢話『呢支酒啃唔啃？勁唔勁？我哋攞嚟隊酒嘅』，二人逗留15分鐘就走咗。」睇嚟10年情觸礁，真係令小方好傷心，要用酒精麻醉自己。問陳先生係咪第一次喺club遇見小方？佢話：「唔係，都見過幾次，但就唔係常客，Kary老公見得多啲。今日喺健身房就見到佢玩跑步機同舉重，全程都冇表情，同乸埋口面。」
|
鍾意就快D Share啦！
|
|
|