網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月9日 星期三

被消失  ViuTV開台劇林保怡硬頂 邵仲衡被飛:實有唔開心 [FACE - 459] __,ViuTV,Viu,林保怡,邵仲衡,MF,

邵仲衡拍咗5個月《瑪嘉烈與大衞》,同黃心穎家姐黃心美首次合作,以為長拍長有,點知突然被out。真面目被消失 ViuTV開台劇林保怡硬頂 邵仲衡被飛:實有唔開心4月6日我哋就有多一個免費電視台ViuTV睇,但開台劇《瑪嘉烈與大衞》嘅男主角邵仲衡,未開台就被out,由林保怡頂上。有傳「大佬孝」邵仲衡因為演法太老式而被飛,自稱上星期先知要離隊嘅大佬孝就話雖然冇嬲,但心裡面實有唔開心。林保怡同周家怡上星期 ...


邵仲衡拍咗 5個月《瑪嘉烈與大衞》,同黃心穎家姐黃心美首次合作,以為長拍長有,點知突然被 out。

真面目

被消失  ViuTV開台劇林保怡硬頂 邵仲衡被飛:實有唔開心

4月 6日我哋就有多一個免費電視台 ViuTV睇,但開台劇《瑪嘉烈與大衞》嘅男主角邵仲衡,未開台就被 out,由林保怡頂上。

有傳「大佬孝」邵仲衡因為演法太老式而被飛,自稱上星期先知要離隊嘅大佬孝就話雖然冇嬲,但心裡面實有唔開心。

林保怡同周家怡上星期宣布參演 ViuTV電視劇,林保怡聲稱對邵仲衡被換走並不知情。《蘋果日報》圖片

ViuTV開台劇《瑪嘉烈與大衞》嘅先行網上版已經播咗十幾集,作為電視版嘅前奏,同足本版內容完全唔同,而拍攝咗 5個月嘅邵仲衡卻突然被飛起,戲份只能夠出現喺網上版,開台嘅正式版就由林保怡頂上。

「我都可以揀㗎!」

有傳邵仲衡被 out係因為 ViuTV製作部副總裁金廣誠不滿佢演法太老土,週日大佬孝喺電話回應事件:「上年金廣誠搵我拍呢套劇,梗係信佢佢話呢個係分階段喺網上播,開台後電視會播,但 format會唔同,人選會變。因為我簽約到今年 10月,所以諗住會一直拍落去。」佢又話:「但之前金生打俾我,話會進入另一階段,想要求有新鮮感,所以要停一停,會安排其他後續俾我做。睇報紙至知換咗林保怡。其實我真係冇嬲,如果問我係咪唔開心,實有唔開心!因為唔捨得呢班對手同台前幕後。」

邵仲衡合約到今年 10月,期間可以拍其他電視台節目,早前就喺港台拍咗幾套劇集包括《獅子山下 2015》。(網上圖片)

邵仲衡稱手頭上已有 3個工作,分別同有線同港台合作。

至於金廣誠係咪已安排邵仲衡做其他節目,邵仲衡就話未有,而手頭上已接咗有線同港台 3個節目,所以唔會冇嘢撈,對於有冇興趣再幫 ViuTV拍劇,佢就笑住話:「你鍾意搵我,我都可以揀㗎!」至於幾個月前《瑪嘉烈與大衞》因為頭幾集拍得太差而曾經停工,大佬孝就解釋唔關佢事:「頭兩個月拍咗十幾集,換咗導演,之前都解釋過。」

ViuTV公關部簡小姐對邵仲衡被換角一事就解釋:「呢套劇係與別不同,個個人都可以係瑪嘉烈同大衞,就算網上版都有幾個人做過大衞,所以電視版想有新鮮感至搵林保怡做。」本刊亦收到 ViuTV首個節目表,自製劇集暫時只會喺星期一、二播,而且喺晚上 11點只播半小時,真係好有新鮮感,觀眾要習慣吓喇!

《瑪嘉烈與大衞》早前發放概念照,當時仍未有林保怡。

林保怡接手後已開工,將會喺 4月開台首播。圖片

林保怡近年積極喺內地發展,又拍電影,除咗 ViuTV之外亦話有機會返大台拍劇。

節目多 gimmick

除咗拍劇, ViuTV主攻實況娛樂節目,但唔係飲飲食食咁老土,打頭炮嘅有《跟住矛盾去旅行》同埋女子格鬥《 G1格鬥會》,齋睇預告都幾吸引。

《跟住矛盾去旅行》有幾矛盾?長毛梁國雄同立法會主席曾鈺成一齊去波蘭,仲有出櫃何韻詩同高皓正等等,買定花生啦老友。

之前腦細林日曦同蔣麗芸去韓國,睇預告片已經好多火花同火藥味。

《 G1格鬥會》係 8位全女班真人格鬥節目,全部女藝人同 model,未出街已傳不和,劉燕妮( Rika)埋怨被黎美言( Winkie)打到毀容,同唐紫睿聯手杯葛 Winkie;龍小菌同郭思琳則幫 Winkie,暗指 Rika同唐紫睿博宣傳,真係七國咁亂!

唐紫睿俾 Winkie狂抽,唔怪得要同姊妹 Rika聯手抗敵啦。(網上圖片)

比賽時拳拳到肉,龍小菌被打到面容扭曲。(網上圖片)

參賽女子日前出席記招時互數,已經充滿火藥味。

採訪、撰文:娛樂組

攝影:攝影組


鍾意就快D Share啦!