掃呢頁CODE去手機

2016年4月7日 星期四

帶病上陣 周柏豪震足 13小時 [壹週刊 - 1361] __,柏豪,周柏豪,M1,

本身有幽閉恐懼症的周柏豪,拍完被水泥活埋的場口後,仍全身標汗震足一個鐘。娛樂偵訊帶病上陣 周柏豪震足13小時在今屆「亞洲電影大獎」奪得「亞洲飛躍男演員」的周柏豪,主演的電影一部接一部,繼夥拍劉心悠的《我老婆係明星》,本月中還有曾志偉做監製的新片《GoodTake!》上畫。在志偉仔曾國祥執導的單元《水泥》中,要被活埋水泥中的周柏豪,面青標冷汗全身震晒,全真實反應,原來他有幽閉恐懼症,仲要捱足13個鐘 ...


本身有幽閉恐懼症的周柏豪,拍完被水泥活埋的場口後,仍全身標汗震足一個鐘。

娛樂偵訊

帶病上陣 周柏豪震足 13小時

在今屆「亞洲電影大獎」奪得「亞洲飛躍男演員」的周柏豪,主演的電影一部接一部,繼夥拍劉心悠的《我老婆係明星》,本月中還有曾志偉做監製的新片《 Good Take!》上畫。

在志偉仔曾國祥執導的單元《水泥》中,要被活埋水泥中的周柏豪,面青標冷汗全身震晒,全真實反應,原來他有幽閉恐懼症,仲要捱足 13個鐘,曾國祥先肯收貨!冇陰功。

全身包保鮮紙

電影的情節,同最近荃灣工業大廈揭發一宗石屎藏屍案,如出一轍,好邪!

據幕後的工作人員說,水泥會堵塞毛孔,有機會令皮膚壞死,所以埋位前,周柏豪要先用保鮮紙包裹全身,才穿上戲服,同焗桑拿一樣,又焗又熱,不停流汗,對於有幽閉恐懼症的周柏豪來說,卻是噩夢的開始。

「好似俾蟻咬,無論企好坐好,都周身唔自在,開始有少少呼吸困難!」周柏豪說。

到正式埋位,瞓在坑內的周柏豪有半個身鋪住水泥,其間工作人員要不時在水泥中灌水,以減慢凝固速度。

為免出入麻煩,周柏豪在水泥坑由開工瞓到收工。

同葉童有不少對手戲的周柏豪,不時要求睇 playback。

再次執導演筒的曾國祥,氹掂周柏豪「帶病上陣」,勁!

冇歌手包袱的周柏豪,片約不斷。

初次同方中信拍檔,周柏豪說最難忘是同對方撐枱腳,食自己最怕的田雞扮滋味。

全真實反應

轉燈、換位,周柏豪原本可以暫時離開水泥坑休息,但他明知一出一入,工作人員會好麻煩,惟有捱義氣死忍,一直瞓在水泥坑,直至完成所有鏡頭。一瞓十三粒鐘,幽閉恐懼症的病徵:氣喘、頭暈、焦慮、抖震,逐步浮現。

「真係一秒鐘,好似一個鐘咁難捱!」周柏豪說。

為求逼真,𦧲掂周柏豪「帶病上陣」的曾國祥,亦坦言冇想過幽閉恐懼症原來如此得人驚。

「真係想像唔到!柏豪拍完,至少有一個鐘仲係面青青同全身震晒,好感激佢肯頂住,令大家順利完成電影中最重要一個場口!」曾國祥說。

自稱細細個睇苗僑偉做電視劇,阿 Sa說可以同對方合作,好似發夢一樣!

已過身的盧大偉俾面監製曾志偉,病住客串阿 Sa主演的《嚇鬼》單元。

有機會同魯芬、馬蹄露、馮淬帆合作,阿 Sa笑言似拍笑片多過鬼片。

撰文、攝影、攝錄:娛樂組


鍾意就快D Share啦!