掃呢頁CODE去手機

2016年4月7日 星期四

超蓮一日走兩場 [壹週刊 - 1361] __,超蓮,何超蓮,M1,

冇時間三點三,超蓮喺7仔買包薯片頂住先。同你吟一吟超蓮一日走兩場上星期五(四月一日),下午茶時間,《壹》仔喺中環擺花街見到何超蓮,一個人,兩頭望,過冇耐,就見到天機公司個公關出現,兩個人行入7仔,超蓮買咗包薯片頂肚,跟住上咗利園西街一幢大廈。搞乜忙到冇時間食嘢?原來當日係超蓮孖生細佬猷啟就職做東華三院總理大日子,超蓮當晚要出席東華晚宴,二房大家姐何超瓊旗下PR幫佢借咗啲晚裝,所以要抓緊時間,安排試 ...


冇時間三點三,超蓮喺 7仔買包薯片頂住先。

同你吟一吟

超蓮一日走兩場

上星期五(四月一日),下午茶時間,《壹》仔喺中環擺花街見到何超蓮,一個人,兩頭望,過冇耐,就見到天機公司個公關出現,兩個人行入 7仔,超蓮買咗包薯片頂肚,跟住上咗利園西街一幢大廈。

搞乜忙到冇時間食嘢?原來當日係超蓮孖生細佬猷啟就職做東華三院總理大日子,超蓮當晚要出席東華晚宴,二房大家姐何超瓊旗下 PR幫佢借咗啲晚裝,所以要抓緊時間,安排試身。

其實當日一早,賭王三房包括超蓮,已經去咗就職典禮,一家人一日走兩場,由朝踩到晚,就係要撐猷啟。

舊年四房猷亨入局, 23歲就做咗保良局總理,三房猷啟 24歲先嚟做,輸咗

超蓮戙响條街做乜?因為要等呢位天機公關落樓,帶佢去另一個地方試衫囉!

24歲猷啟入局做東華總理,三房總動員去就職禮,夜晚再出席晚宴,一日走兩場。

撰文:八珍


鍾意就快D Share啦!