掃呢頁CODE去手機

2016年4月7日 星期四

電視戰麥當雄你點睇 [壹週刊 - 1361] __,M1,

67歲麥當雄98年淡出香港娛圈後,就返咗內地做生意。同你吟一吟電視戰麥當雄你點睇麥當雄呢個名,你未滿50歲可能唔會識,之不過,佢做監製嘅電視劇,例如《鱷魚淚》、《天蠶變》,响已經熄滅嘅亞洲電視重播又重播;仲有,當年話題電影《𡃁妹仔》、《省港旗兵》、《玉蒲團之偷情寶鑑》,全部係呢位現世代唔知乜水嘅麥當雄監製連編劇作品。所以,大家都有可能見識過!已經67歲嘅麥當雄,最後有參與嘅作品係97年上映,梁家輝 ...


67歲麥當雄 98年淡出香港娛圈後,就返咗內地做生意。

同你吟一吟

電視戰麥當雄你點睇

麥當雄呢個名,你未滿 50歲可能唔會識,之不過,佢做監製嘅電視劇,例如《鱷魚淚》、《天蠶變》,响已經熄滅嘅亞洲電視重播又重播;仲有,當年話題電影《𡃁妹仔》、《省港旗兵》、《玉蒲團之偷情寶鑑》,全部係呢位現世代唔知乜水嘅麥當雄監製連編劇作品。所以,大家都有可能見識過!

已經 67歲嘅麥當雄,最後有參與嘅作品係 97年上映,梁家輝、劉德華孭飛電影《黑金》,之後就回歸祖國,不過據講佢冇再做老本行,而係做生意。

八珍搬佢出嚟示眾,雖然同亞洲電視熄滅冇直接關係,但麥當雄响麗的(亞視前身)年代,因為勇於創新,已令大台疲於奔命,勁人一個!

雖然奔七,但麥當雄 keep得算唔錯,同女友(可能老婆,聽說係不婚先驅)去蓮香飲茶, hea咗個幾鐘。無綫、有線電視、 ViuTV同港台,請問你老人家點睇?

蓮香係香港老牌茶樓,仲有阿姐推點心。

麥當雄(左)同蕭若元七十年代曾經响麗的(亞視前身)合作,更一度令對手無綫好頭痛。

撰文:八珍


鍾意就快D Share啦!