網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月7日 星期四

見面箍煲 超雲應承俾自由 陳山聰轉食有錢中女拒復合 [壹週刊 - 1361] 山聰,超雲,M1,陳山聰

娛頭見面箍煲 超雲應承俾自由 陳山聰轉食有錢中女拒復合13年被何家三房千金何超雲分手後,形象破產的陳山聰頓成「四失聰」,做唔成賭王駙馬,惟有食回頭草𦧲返無綫,勁操減去一身肥肉洗底後,一輪衝鋒劇接劇。升呢做男二,陳山聰更突然被何超雲傳召,應承「唔黐身」、「准拍親熱戲」氹復合。拼搏三年難得翻身,早已跟有米中女Apple行埋的陳山聰,對前度開出的條件毫無興趣,更陪新歡旅行派定心丸,何超雲箍煲失敗。翻兜讓 ...


娛頭

見面箍煲 超雲應承俾自由 陳山聰轉食有錢中女拒復合

13年被何家三房千金何超雲分手後,形象破產的陳山聰頓成「四失聰」,做唔成賭王駙馬,惟有食回頭草𦧲返無綫,勁操減去一身肥肉洗底後,一輪衝鋒劇接劇。

升呢做男二,陳山聰更突然被何超雲傳召,應承「唔黐身」、「准拍親熱戲」氹復合。

拼搏三年難得翻身,早已跟有米中女 Apple行埋的陳山聰,對前度開出的條件毫無興趣,更陪新歡旅行派定心丸,何超雲箍煲失敗。

翻兜讓步

為保護呢段感情,陳山聰與 Apple拍拖低調小心,同場與大班朋友影相,男的亦刻意保持距離。據知新歡 Apple性格溫馴,甚得山聰朋友圈歡心。

上月,陳山聰老死郭政鴻帶住兩個女,跟失聯三年的何超雲見面,隨即傳出賭王千金翻撻陳山聰消息,而郭政鴻亦語帶雙關地,指「山雲復合」一事「順其自然交俾個天」。

事實上,何超雲的確透過郭政鴻翻兜前度,被拍到買運動衫積極操弗的她,早前已跟陳山聰見過面。

「超雲同身邊朋友講,如果今次同山聰復合,一定唔會好似以前咁專制,要佢二十四小時 standby陪住自己,會俾男朋友空間,同埋放佢出去做嘢,拍劇亦可以拍親熱戲。佢以前好大小姐脾氣,又容易着燈,有次睇到山聰喺《萬凰之王》入面同胡杏兒嘴晒,佢即刻發老脾!山聰仲試過喺屋企係咁俾佢摑,超雲而家當然知道自己嗰時係有問題,亦發覺山聰真係好就佢,所以呢幾年就算有人追,佢都係覺得山聰最好。」知情者說。

可一不可再

何家男友唔易做,跟何超雲拍拖接近三年,被指黐食黐住形象破產的陳山聰,拍拖無耐已被勒令疏遠所有女性朋友,跟契姐伍詠薇反面,就連工作都唔俾做。試過整整一年,跟住何家千金吃喝玩樂周圍飛,養尊處優的陳山聰由 fit爆變 fat爆。

「同超雲分開,山聰完全冇嘢做,之前所講話同超雲合作搞時裝生意,出自家品牌,都係講多過做。嗰段時間山聰好慘,想𦧲返無綫,但因為之前拍拖要陪玩一味推 job,好多監製都唔願再用佢,好彩添哥(李添勝)仲肯俾機會。

「可一不可再,山聰自己亦都爭氣,除咗投入工作,亦勁操做運動跑步減肥,又參加馬拉松,呢兩年佢俾人感覺真係好咗好多!難得洗底成功,佢點敢再行差踏錯;所以問佢有冇機會同超雲復合,佢都斬釘截鐵話『唔係事實唔回應』。」

經過三年時間努力拍戲洗底,陳山聰終於在大台升呢,新劇《殭》當上男二,不少網友亦大讚他有氣勢。

上月甜蜜之旅

二月「山雲戀」傳翻撻,陳山聰為向女友派定心丸,上月先後與她去新加坡及日本旅行。為新戀情做足保密功夫,兩人從不放同一背景的相片上網。

何超雲早前放出與郭政鴻女兒拜年相,漏出翻撻風聲。據悉分手近三年的「山雲」早前破冰見咗面。

幫有米新女慶生

拒與超雲再續前緣的最主要原因,其實是陳山聰已有個拍拖兩年的 Apple在身邊。據了解,年約三十多歲的中女 Apple自己做生意,亦有不少圈中朋友;當年陳山聰和超雲甩拖後,一四年便和 Apple撻着,但明知自己形象「負皮」,他於是刻意低調處理感情。

「唔敢公開,但山聰會同女友一齊出席自己朋友活動。 Apple性格比較靜,同山聰一齊就更加少講嘢,多數係山聰講佢就聽,我哋一班朋友都幾鍾意佢,覺得佢好得體知分寸。舊年 Apple生日,山聰約晒一班朋友同佢慶祝,嗰晚山聰因為遲咗收工,啲朋友好似(曾)志偉就特登陪住 Apple,等到山聰到,先一齊吹蠟燭食蛋糕。」

陳山聰近兩年狂做運動操肌,經常孖好友袁偉豪跑山, 10月就 4張的他,比以前更弗。

上月,何超雲被拍到掃運動衫,開始積極做運動減肥,誓要跟前度一樣弗爆。

上月接受阮兆祥訪問時,陳山聰還扮冇拖拍,但就表示想成家立室,隔空同 Apple示愛。

跟胡杏兒在電視劇《萬凰之王》狂嘴,出街後,何超雲即發脾氣摑了他十巴。

為掩護正印 Apple,陳山聰特登高調在 ig同李佳芯打情罵俏,扮追對方做宣傳。

旅行派定心丸

將 Apple收埋兩年的陳山聰,雖然再獲何家千金寵召,不過見過鬼怕黑,就算前度開到口肯讓步遷就,陳山聰都不為所動。

上月傳出何超雲有意翻撻消息,陳山聰立即派定心丸,特登抽時間,陪 Apple去旅行。

「佢哋習慣咗出去旅行拍拖,因為喺香港始終會俾人見到,而家人人都係記者,好難將段戀情保密。傳出超雲想翻撻佢嗰段時間,佢兩個去完新加坡再去日本,原本同阿媽一齊住喺九龍灣嘅山聰,而家同 Apple搬咗入將軍澳同居,同女友感情愈來愈好,仲點會考慮翻撻。」知情者說。

8/2011

二人正式宣布拍拖後,首次襯到絕出現 ball場,自此人氣急升,成為 ball場常客。

8/2011

跟何超雲打得火熱時,好食好住的陳山聰,肥爆兼不斷推 job,不過也記得相約當時揸弗人樂大媽食飯。

10/2011

二人拍拖時周圍玩,歐遊之外,又經常到東南亞一帶曬太陽。

12/2012

何鴻燊 91歲生日,當時被指有機做何家女婿的陳山聰,有份幫賭王慶生日。

4/2013

大前年 4月中,陳山聰飛倫敦箍煲,做外賣仔到唐人街買嘢食又買藥,但最後都係分手收場。

2013年 4月初,何超雲放了一張心形圖,並留言:「 LOVE=MONEY」,自爆二人為錢分手。

專吼熟女

做得陳山聰杯茶,除有一定的經濟能力,外形成熟都是他所喜好。過往的舊愛,十居其九比他年長,包括 N年前拍過拖的前歌手謝凱珊,而前妻 Ponny更大他 12年;就算比他後生許多的何超雲,亦偏向成熟打扮。𡃁妹仔,陳山聰唔啱睇!

Ponny

11年, 35歲

陳山聰為追求超雲拋棄糟糠,狠撇 08年秘婚的 47歲老婆楊渡萍 Ponny。任職時裝設計的 Ponny有相當財力,早年與陳山聰在尖沙咀合資開時裝店,她佔大股。

謝凱珊

98年曾跟前組合 T&T主音謝凱珊姊弟戀,拍拖兩年,曾有讀者爆二人育有一子,但陳山聰否認。謝凱珊家境不俗, 97年出道的她,外形成熟打扮前衞,其後與寶麗金解約,與兩胞弟組樂隊 TRI-O自資再闖樂壇,亦曾做過服裝指導。

難得有情郎

有賭王光環,超班之選的何家淑女,並未有因身份而觀音兵成群,相反受家族背景影響,難覓對象。

何超雲

三房長女超雲,身份條件和男友數目不成正比, 10年跟皮草太子爺王大業拍拖半年就散,緊接是 11年的陳山聰, 13年分手後,至今未有穩定對象。

何超瓊

跟門當戶對的許晉亨離婚後,有樣有米的二房千金超瓊,多年後才跟楊受成長子楊其龍拍拖。可惜賭王老豆一句:「質地唔好!」這段不被看好的感情火速玩完。冇着落, 10年更爆出轉軚,被發現與俞琤同居。

何超儀

二房細女超儀,感情生活唔算多姿采,圈中人冇乜敢埋身追,跟陳子聰拍拖數年,於 03年結婚。成為何家女婿的陳子聰閒時玩吓音樂,養到肥肥白白。

何超蓮

是芸芸何家淑女中,最多仔敢埋身追求的一個。去年超蓮狠飛台灣藝人吳克羣後,唔少富二代都為超蓮「當兵」,包括最進擊的霍家公子霍啟山,和內地富二代劉根森。

何超盈

何家四房長女超盈, 11年跟拍拖四年的富二代 Greg分手,兩個月後傳出與林建岳三女林愛兒發展斷背情,去年兩人被發現在瑞士機場吵大鑊,不久便分手,單身到現在。

撰文、攝影、攝錄:娛樂組


鍾意就快D Share啦!