網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月14日 星期四

車廂又嘴又啜 張景淳翻撻華姐宋雙佳 [壹週刊 - 1362] __,華姐,張景淳,M1,宋雙佳

探熱針車廂又嘴又啜 張景淳翻撻華姐宋雙佳憑劇集《天與地》「家明」一角彈起的張景淳,同華姐女友宋雙佳拍拖多年,感情穩定,年前卻爆出他扮單身嗒前HotCha成員張惠雅(Regen),搞到分手收場!但原來張景淳已經成功氹番女友,二人於去年尾秘密復合,本刊早前發現他送女友返屋企,情到濃時,二人在車廂激嘴!失而復得,特別肉緊。日日寫道歉信張景淳偷嗒Regen,女友宋雙佳決定斬纜,但他一直冇放棄,千方百計,努 ...


探熱針

車廂又嘴又啜 張景淳翻撻華姐宋雙佳

憑劇集《天與地》「家明」一角彈起的張景淳,同華姐女友宋雙佳拍拖多年,感情穩定,年前卻爆出他扮單身嗒前 HotCha成員張惠雅( Regen),搞到分手收場!

但原來張景淳已經成功氹番女友,二人於去年尾秘密復合,本刊早前發現他送女友返屋企,情到濃時,二人在車廂激嘴!失而復得,特別肉緊。

日日寫道歉信

張景淳偷嗒 Regen,女友宋雙佳決定斬纜,但他一直冇放棄,千方百計,努力爭取對方回心轉意。

「佢哋已經認定對方,所以拍拖一年就大方公開戀情。同 Regen搞埋,事後 Stanley(張景淳)真係好後悔,亦好內疚傷害咗宋雙佳。分手後,佢每日都 send message俾女友道歉,又會親手寫信,就算對方冇反應,佢都堅持唔放棄,最後終於打動到宋雙佳。」知情者說。

14年尾,張景淳同前 HotCha成員 Regen去武當山拍劇撻着,令正印決定斬纜。

現年 35歲的張景淳,憑《天與地》家明一角人氣急升。

去年,宋雙佳發現男友同 Regen搭上後嬲爆嗌分手,張景淳即 po出二人錫錫合照箍煲。

車廂嘴完又啜

女友再俾機會,張景淳更加珍惜眼前人。

早前,張景淳做柴可夫,親自送女友返回將軍澳日出康城寓所;到埗後,他將車停埋一邊傾偈,其間見他攞出一盒禮物送給女友,宋雙佳即拆,跟住張景淳又捉實女友情深對望,再連番激嘴。一輪車輪舌戰後,張景淳在女友額頭再連啜六啖,愛火重燃,更加火熱。

二人在車廂調情大半粒鐘,搞到屋苑管理員都忍唔住,上前干涉,拍窗趕車,宋雙佳才依依不捨,落車上樓!

現年三十五歲,於神劇《天與地》飾演少年家明為人留意的張景淳,與曾參選《 2008年國際中華小姐》的宋雙佳一○年撻着,直至一四年尾,他背女友偷嗒本身亦名花有主的前 HotCha成員 Regen,關係四國咁亂!

去年成功復合的張景淳送女友返屋企,情到濃時在車廂激嘴。

二人車廂調情,惹來屋苑管理員上前干涉,拍窗趕車。

宋雙佳依依不捨落車上樓。

感情更勝從前

事發後,「被分手」的張景淳更當街哭求宋雙佳原諒,不過對方堅拒復合!

「前年 Stanley拍《潮拜武當》,要同一班女仔去武當山幾個月,當時宋雙佳已經好唔放心,佢係個疑心比較大嘅人,平時都 check住晒,雖然 Stanley有時都覺得俾女友管住好難頂,但為咗令對方放心,都專登喺去拍劇前請假,陪宋雙佳去咗峇里島旅行,又同女友傾結婚派定心丸。

「估唔到最後 Stanley唔夠定力,同 Regen日對夜對三個月,真係撻着!宋雙佳收到風男友出軌好傷心,仲主動同 Stanley分手,當時佢企得好硬,無彎轉嗰隻;而家失而復得,兩個人嘅感情,仲好過以前。」知情者說。

身為籃球隊員的張景淳,早前孖住翟威廉等波友,在將軍澳體育館打比賽。

打完波,拉大隊去附近餐廳醫肚,張景淳同女性隊友特別好傾。

「被分手」的張景淳,曾當街哭求宋雙佳原諒,可惜對方堅拒復合。

四國亂局

10年,張景淳與華姐宋雙佳撻着,二人經歷多次離離合合,更一度陷入四角關係的亂局中。

2011年 12月

二人被拍到孖住到銅鑼灣慶祝聖誕節,其後,女方直上張景淳位於將軍澳怡心園寓所。

2014年 10月

被指背住正印偷食,與組合 HotCha成員張惠雅( Regen)拍無綫劇《潮拜武當》時,於武當山取景時撻着,二人陷入冷戰期。

2014年 11月

Regen拍完《潮拜武當》後,與正印男友 Esta外遊泰國充電。

2015年 2月

Regen與張景淳結伴夜蒲斷正,二人更公然甜蜜拖手,當時, Regen表示已與 Esta分開。

2015年 5月

張景淳於 Instagram貼上與宋雙佳的甜蜜接吻照,可惜事隔一個月又鬧分手。

2015年 6月

為求向正印宋雙佳箍煲,張景淳於街頭呆等個多小時,更被拍到在車廂內狂喊向女友求復合。

2015年 6月

爆出 Regen 14年與正印男友 Esta蜜遊泰國時,被男友發現她與張景淳有染而發生衝突,遭男方家暴,並承認與張景淳拍拖三個月。

撰文、攝影、攝錄:娛樂組


鍾意就快D Share啦!


Related Posts Plugin for WordPress, Blogger...