掃呢頁CODE去手機

2016年4月21日 星期四

翠如後又一優質股 長腿王卓淇廠房太子女 [壹週刊 - 1363] __,王卓淇,黃翠如,翠如,M1,

長腿王卓淇有米有樣有學歷,係大台低調富家女。娛樂偵訊翠如後又一優質股 長腿王卓淇廠房太子女黃翠如因為父親旗下的建築工程公司上市,令她被揭是禾稈冚珍珠,其實這類「潛力優質股」又豈止翠如BB一個?據悉,14年港姐亞軍,年初在《愛情食物鏈》憑長腿出位的王卓淇,父親在內地營運的超級廠房,面積有成五十萬呎。家有富爸爸,冇憂米,王卓淇月收大台份奀糧,仍可住豪宅,又常出埠歎世界,原來如此。唔土豪揸車仔一四年港姐 ...


長腿王卓淇有米有樣有學歷,係大台低調富家女。

娛樂偵訊

翠如後又一優質股 長腿王卓淇廠房太子女

黃翠如因為父親旗下的建築工程公司上市,令她被揭是禾稈冚珍珠,其實這類「潛力優質股」又豈止翠如 BB一個?據悉, 14年港姐亞軍,年初在《愛情食物鏈》憑長腿出位的王卓淇,父親在內地營運的超級廠房,面積有成五十萬呎。

家有富爸爸,冇憂米,王卓淇月收大台份奀糧,仍可住豪宅,又常出埠歎世界,原來如此。

唔土豪揸車仔

一四年港姐冠軍邵珮詩,早被踢爆是維他奶後人,但同屆富貴港姐不只一個,還有一直真人不露相的亞軍王卓淇。

王卓淇父親是個護膚品生產商,家住廣州,王父雖然有米,但更加鼓勵下一代要有埋學歷。參選港姐前,王卓淇被送出國到英國 University of the West of England修讀經濟,之後再轉到 University of Surrey完成碩士學位。

富爸爸栽培浸咸水,入行後,王卓淇繼續低調家境,揸三十多萬的 MINI Cooper代步開工,並無炫富。但年僅廿四歲的她,其實在富爸爸支持下,已經有樓揸手。

「 Erin(王卓淇)選港姐時住喺九龍站上蓋啲豪宅,依家就同媽咪住奧海城。早排佢話就快喺香港住滿七年,一夠期佢就買樓。以大台份糧,香港個樓市,冇屋企貼錢,九十後點有能力買樓?聽講佢爸爸上年喺廣州白雲區,亦買咗層六百萬嘅樓俾 Erin。」知情者說。

如果唔係老豆間公司上市,都唔知黃翠如家境咁有米,身家更因公司上市升至幾十億。

富爸爸在東莞搵錢,富媽媽王母則與女兒王卓淇在港定居。早前兩母女行街,王卓淇短裙出動晒靚腿。

冇憂米的她,早前放假去馬爾代夫歎世界。

王卓淇的富爸爸,是東莞大廠商。

王父在東莞的廠房王國,是由四座工廠大廈相連,面積有成五十多萬呎,據悉王父每年護膚品生意額至少半億。

客串做女工

據悉王父在東莞開設的廠房,絕非山寨形式,而是面積五十萬呎,由幾幢工廠大廈連成的超級廠房。

「 Erin爸爸東莞間新廠上個月底先落成,四幢工廠大廈相連一起,廠房有幾十萬呎咁大。佢爸爸一向低調,所以亦唔想個女咁高調,俾人知屋企有錢。」知情者說。

日前王卓淇在 ig放了兩張著住保護衣在廠房影的相,並留言:「當一日小女工」。其實是以太子女身份,到父親新廠房監工。

屋企有米,但王卓淇一樣拼搏,當選後主力為 J2的《安樂蝸》做主持,直到年初,終有機會在劇集《愛情食物鏈》演出,一晒四十三吋長腿,網友嗌索熱捧,就連食好西的坤哥(吳業坤)都識貨,捉住王卓淇玩合唱,埋富家索女身。

雖然王卓淇絕少提及家庭背景,但日前她在 ig放了穿廠服的相片,寫住:「當一日小女工!」據悉此處正是父親在東莞的幾十萬呎大廠房,身為太子女的她到場監工。

年初出街的《愛情食物鏈》,王卓淇就憑這一幕的長腿誘惑突圍,成功吸睛,連食好西的坤哥,都成為她的好友。

14年,王卓淇當選港姐亞軍的一屆,冠軍人馬是身份顯赫的維他奶後人邵珮詩,季軍則是何艷娟。王卓淇在英國的 University of Surrey完成經濟碩士學位,且外貌有幾分似陳法拉,故參選時有「碩士法拉」稱號。

撰文、攝影、攝錄:娛樂組


鍾意就快D Share啦!