掃呢頁CODE去手機

2016年4月9日 星期六

《歌手4》有黑幕?祖兒:參加得唔諗呢啲 __,祖兒,容祖兒,

祖兒同克勤都話參加得呢個節目,就唔會諗有冇黑幕,佢哋仲恭喜李玟(紅圈)拎冠軍,覺得李玟係實至名歸。香港天后容祖兒在內地歌唱節目《我是歌手4》中,偕「幫唱」師弟陳偉霆在比賽中歌精舞勁有超卓表現,惟未能打入第二輪比賽,網民無不為祖兒感不值,在網路上狂轟賽果不合理,雖敗猶榮的祖兒和李克勤由內地返港,兩人一同接受訪問時,克勤說:「我想講,我哋係盡最大嘅努力,呢樣嘢我覺得已經幾引以為傲,或多或少我兩個都有代 ...


祖兒同克勤都話參加得呢個節目,就唔會諗有冇黑幕,佢哋仲恭喜李玟(紅圈)拎冠軍,覺得李玟係實至名歸。

香港天后容祖兒在內地歌唱節目《我是歌手4》中,偕「幫唱」師弟陳偉霆在比賽中歌精舞勁有超卓表現,惟未能打入第二輪比賽,網民無不為祖兒感不值,在網路上狂轟賽果不合理,雖敗猶榮的祖兒和李克勤由內地返港,兩人一同接受訪問時,克勤說:「我想講,我哋係盡最大嘅努力,呢樣嘢我覺得已經幾引以為傲,或多或少我兩個都有代表香港嘅味道,唔只尋晚嘅表現,唔只由我由第一集開始,同佢由第一集參加比賽開始,都付出咗百分之二百去爭取每一樣嘢。」他續說:「尋晚個結果唔知係咪觀眾心目中滿意嗰種,我覺得每個人心目中都有自己嘅歌王、歌后,咁總唔能夠滿足晒所人嘅人,如果你哋支持我嘅,咁我哋已經收到晒所有支持,如果覺得我哋做得唔夠好嘅,我哋下一次會再做好啲。」

祖兒自覺表演可以接受

而祖兒則表示:「我好感謝陳偉霆嘅幫唱,佢自己都咁忙,同埋排練時間又咁趕,但佢喺最唔夠時間裏面都交到最好嘅嘢出嚟,我好滿意嗰個表現,我亦睇到大家好支持我囉,同埋尋晚嘅結果,無論如何已經成為歷史,我覺得係最好嘅結果。」祖兒續說:「大家畀我知道大家都好錫我,大家付出嘅努力,大家都係見到嘅,其實我都開始咗新嘢,下個禮拜去為呢個節目做一PART叫顛峰會,呢個冇比賽成分,只會演出。」克勤又話:「我哋會做番演唱會裏面嘅嘢,畀所有內地觀眾見到香港有我哋嘅演唱會。」祖兒笑謂:「有兩個茂利喺度去開演唱會。」

克勤再三多謝林子祥及葉蒨文(沙麗)的幫唱:「佢哋真係好好,我表演嗰部份嘅所有音樂都係佢哋搞,沙麗搞咗好多日,佢哋仲不停WhatsApp我,佢哋走嗰陣又WhatsApp,連我沖涼佢哋都仲WhatsApp我,今朝再WhatsApp話幫我攞唔到冠軍唔好意思,佢哋太客氣,我哋係好好朋友。」祖兒表示:「喺我眼中佢哋兩個世外高人合體。」克勤又指林子祥陪他綵排至凌晨一時,平日他在家中已瞓了並轉了三次身。談及陳偉霆對祖兒表示歉意,她說:「佢太傻。」

祖兒又表示表演自己翻看了好多次,自己覺得可以接受,在水準以上,所以網民替她不值,無理由第一輪她就被淘汰:「每個人心目中都有把尺,最緊要自己做完之後,問心無愧、滿意。」克勤表示粉絲、網友喜歡他們當然會有友情分,大家不用太過…都只是一個音樂節目。

對節目被指有黑幕,李玟是內定冠軍,兩人說:「如果你要參加得,就唔好諗呢啲,我哋就唔諗呢啲。(李玟拎冠軍點睇?)非常恭喜,實至名歸。」祖兒表示今早還在長沙機場見到李玟,更再次恭喜對方!

克勤笑祖兒見師兄短訊冧晒

祖兒男友劉浩龍大讚她是最好的,她是否好冧?她腼腆地說:「我交番畀我發言人講。」克勤笑言祖兒不方便答,由他說:「某人睇到一個電話,之後就嗯嗯好甜咁笑,同我好大對比!」因為克勤個仔流感發燒不適,一個病完到另一個所以他都心急回家照顧兒子,也要交人給太太,因為太耐無見,祖兒提議克勤應該同太太去個旅行,克勤即笑說:「造人…世。」祖兒即笑說:「咁係咪要恭喜!」克勤笑言造人留番畀後生。


來源 source: http://hk.on.cc
鍾意就快D Share啦!