網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月21日 星期四

陳婉婷鎖骨擺雞蛋 唔係咁易玩! __,陳婉婷,

今集《東網Baby》主角係陳婉婷!最強娛樂資訊App《東網巨星》推出全新娛樂節目《東網Baby大作戰》,每集邀請不同女星到節目接受挑戰,今集則由有「最索丫鬟」之稱嘅藝人陳婉婷(Hebe)接受挑戰,主要考佢演技及體能各方面,測試佢係咪瓣瓣掂,可以成為一個全能演員,而Hebe開始前仲自信爆棚地話:「講到演技,梗係難唔到我陳婉婷啦!」報告天氣眼濕濕首先第一關大考演技,要Hebe化身「最索天氣女郎」,喺限 ...


今集《東網Baby》主角係陳婉婷!最強娛樂資訊App《東網巨星》推出全新娛樂節目《東網Baby大作戰》,每集邀請不同女星到節目接受挑戰,今集則由有「最索丫鬟」之稱嘅藝人陳婉婷(Hebe)接受挑戰,主要考佢演技及體能各方面,測試佢係咪瓣瓣掂,可以成為一個全能演員,而Hebe開始前仲自信爆棚地話:「講到演技,梗係難唔到我陳婉婷」報告天氣眼濕濕首先第一關大考演技,要Hebe化身「最索天氣女郎」,喺限 ...


今集《東網Baby》主角係陳婉婷!

最強娛樂資訊App《東網巨星》推出全新娛樂節目《東網Baby大作戰》,每集邀請不同女星到節目接受挑戰,今集則由有「最索丫鬟」之稱嘅藝人陳婉婷(Hebe)接受挑戰,主要考佢演技及體能各方面,測試佢係咪瓣瓣掂,可以成為一個全能演員,而Hebe開始前仲自信爆棚地話:「講到演技,梗係難唔到我陳婉婷」

報告天氣眼濕濕

首先第一關大考演技,要Hebe化身「最索天氣女郎」,喺限時30秒內一邊報告天氣一邊流眼淚,相當有難度!而Hebe曾經喺無綫處境劇《愛.回家》做過十幾個角色,可以話係扮咩似咩,演技有番咁上下,難怪遊戲一開始,佢已經入晒戲,眼濕濕咁報告天氣:「一股大陸氣流正為華南沿岸地區帶來普遍晴朗嘅天氣......」最後仲成功谷出眼淚,可惜超時,第一關挑戰失敗!

嚟到第二關,藝人無時無刻都要keep住弗爆身材,所以呢關以「鎖骨擺雞蛋」及「反手摸肚臍」嚟測試吓Hebe有冇好身材。由於輸埋呢關要接受大懲罰,所以Hebe都出盡力挑戰,好彩有樣有身材嘅佢輕鬆完成任務,成功扳回一局!

挑戰玩出貓

去到終極一關,自然要將難度升級,Hebe先要挑戰喺限時30秒內踢毽20次,期間佢踢到雞手鴨腳,仲搞笑地將個毽踢落花叢度,勁論盡呀!可惜Hebe踢得咁辛苦,都係得12次,同目標20次差一截喎!而之後挑戰喺限時20秒內吹住張紙巾唔跌地,Hebe出貓用手接住張紙巾,都係維持到3秒鐘咋!

面對兩連敗,Hebe只好接受體能大懲罰,做5次引體上升。不過,佢竟然運用「美人計」即場撒嬌,正所謂「撒嬌女人最攞命」,Hebe最後只係做2次引體上升,但佢依然做得相當吃力,仲話希望下次再嚟挑戰:「本身仲以為啲挑戰好容易,估唔到體能嘅部分fail晒,睇嚟我都要返去練吓,下次再嚟挑戰過!」


來源 source: http://hk.on.cc
鍾意就快D Share啦!