今屆金像獎「最佳電影」由「十年」奪得，寰亞電影老闆林建岳稱係香港電影界嘅不幸，大陸媒體仲連得獎表都冇寫最佳電影呢一項。另商台節目「在晴朗的一天出發」主持陳志雲今早聲稱，《十年》嘅電視版權已售賣予無綫，不過未知喺邊個台播放。據知《十年》發行畀咗高先搞，tv right應該都包埋《蘋果》問咗高登先(Golden Scene)發行人Winnie愕然表示，仲同幾個電視台傾緊未下決定，即係《十年》仲未賣電視版權出去。另外，《十年》策劃人兼導演之一伍嘉良亦回應相關報道，佢稱無綫有主動接觸過佢哋，但佢哋唔想賣畀無綫，好多憂慮，例如怕佢買咗唔播，佢又認為院線再播嘅機會唔大，因為即使當時落畫嗰陣，仍然場場爆滿，所以有冇人睇，院線唔係考慮嘅因素，佢又稱暫時未有意向將版權賣畀其他公司，至少喺出碟前都唔會。無綫主動接觸《十年》發行商想買電視播映權，係咪真係想播就唔知喇，但據知如果真係要賣，合約上都會訂明乜嘢時候一定要播，否則毀約。
來源 source: http://hk.apple.nextmedia.com
|
鍾意就快D Share啦！
|
|
|