掃呢頁CODE去手機

2016年4月28日 星期四

歐聯:【有片】入世界波!「馬體會美斯」係乜水? __,美斯,

(GettyImages圖片)堅驚天地泣鬼神!歐聯4強首回合,馬德里體育會體會主場鬥「地上最強」拜仁慕尼黑,,馬體會個17號仔沙奧尼古斯,喺中場開始面對拜仁重重圍困,先後擺過沙比阿朗素、堤亞高艾簡達拿同祖安巴尼特,殺入禁區起左腳射破紐亞十指關,協助球隊以1比0擊敗對手。呢個咁靚嘅solo入波,堅係美斯級數先入到,但究竟呢個17號仔,究竟係邊個?今年21歲嘅沙奧尼古斯,係西班牙球員,但就從未代表過大 ...


(Getty Images圖片)

堅驚天地泣鬼神!歐聯4強首回合,馬德里體育會體會主場鬥「地上最強」拜仁慕尼黑,,馬體會個17號仔沙奧尼古斯,喺中場開始面對拜仁重重圍困,先後擺過沙比阿朗素、堤亞高艾簡達拿同祖安巴尼特,殺入禁區起左腳射破紐亞十指關,協助球隊以1比0擊敗對手。呢個咁靚嘅solo入波,堅係美斯級數先入到,但究竟呢個17號仔,究竟係邊個?

今年21歲嘅沙奧尼古斯,係西班牙球員,但就從未代表過大國腳出戰,不過就係U23常規球員。呢個中場萬能老倌,中場咩位都踢得,防中、正中場同邊路都難唔到佢。唔講唔知,佢曾經踢過皇馬青年軍,不過好快就被放棄,呢件好嘢轉過頭就加盟咗馬體會。

經過13至14年被借到華歷簡奴後,沙奧尼古斯返到馬體會,並曾於馬德里打吡射入倒掛,助馬體會大勝4:0。去到歐聯上圈次回合主場對巴塞隆拿,沙奧尼古斯於右路,腳趾尾拉西扯個波入禁區,助攻予基沙文頂入,已經勁到冇朋友,估唔到今場對拜仁,更加射入絕世靚波。查實到今年1月,曾有傳曼聯想買呢個高質中場,不過始終未成事;但就算紅魔到今夏想出手,都要問過巴塞隆拿先。原來13年當巴塞賣韋拿畀馬體會時,已經慧眼識英雄,同馬體會簽咗約,話明第時如果有球隊想買沙奧尼古斯,巴塞可以相同格價優先買到,睇嚟呢名準西班牙國腳,最終會同堅美斯做隊友!


來源 source: http://hk.on.cc
鍾意就快D Share啦!