網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月24日 星期日

【全職師奶】謝安琪親自湊仔 旺角歎茶 __,謝安琪,

謝安琪退隱後過住全職師奶生活,自己湊吓仔得閒又去食吓嘢,認真寫意!「神奇女俠」謝安琪(Kay)雖然就唔係退休,但佢就喺上周星期五(15號)舉行一連兩場演唱會後宣布暫別樂壇,隨即就話「歸園田居」,享受呢個「退隱生活」!趕住返屋企主持「張家大局」嘅Kay,喺演唱會四日後,9秒9就光速投入「張師奶的後現代生活」。就喺星期三(20日),身為一家之主嘅張繼聰,忙於拍攝無綫新劇,深知拍劇開工時間不穩嘅Kay, ...


謝安琪退隱後過住全職師奶生活,自己湊吓仔得閒又去食吓嘢,認真寫意!

「神奇女俠」謝安琪(Kay)雖然就唔係退休,但佢就喺上周星期五(15號)舉行一連兩場演唱會後宣布暫別樂壇,隨即就話「歸園田居」,享受呢個「退隱生活」!趕住返屋企主持「張家大局」嘅Kay,喺演唱會四日後,9秒9就光速投入「張師奶的後現代生活」。就喺星期三(20日),身為一家之主嘅張繼聰,忙於拍攝無綫新劇,深知拍劇開工時間不穩嘅Kay,隨即「人肉速遞」去將軍澳電視城探老公,以解相思之苦,張繼聰就梗係即刻同Kay恩愛自拍放上網同大家開心Share

旺角交流湊仔經

陪完老公後,就梗係輪到陪仔仔!Kay就喺前日(21日)大約下午3時,以一身女神「雪雪雪」Look化身成潮爆索媽,揸住架紅色的跑車去到鬧市旺角,到停車場泊好車後,就入咗間試業中、只招待VIP嘅日式甜品店。原來Kay係會合一班大部份都有仔仔女女嘅靚太團,齊齊歎個下午茶兼交流湊仔經!歎還歎,師奶Kay喺大約兩個鐘後,就同成班太太趕去攞車,原來係急住接仔女放學!

張瞻開心笑晒口

而Kay去到樂富草地足球場,會合老爺等待仔仔張瞻放學,Kay隨即同其他家長禮貌點頭微笑。而難得阿媽接放學喎,啱啱踢完波滿頭大汗嘅張膽表現勁雀躍,見到記者仲主動揮手!不過原來Kay並唔係接阿仔返屋企,只係爭取時間見面!兩爺孫先返大埔住所,而Kay就接埋家傭去大埔Shopping!

慳家買平嘢

雖然Kay同老公張繼聰吸金力唔弱,不過Kay發揮師奶本色,慳得就慳,見到間大減價中嘅運動用品店,隨即入去幫阿仔睇鞋,又踎低又起身,一啲頭暈都冇,為咗買平嘢果然去到好盡,不過就因為冇仔仔嘅呎碼飲恨收隊走人!而近日因主演無綫劇集《殭》而人氣急升嘅佢,沿途被不少路人認出,仲叫佢做:「殭屍!」而Kay亦有求必應同一個小女孩合照,Kay仲反問小女孩:「我會唔會嚇親你呀?」

全職師奶故事待續…


來源 source: http://hk.on.cc
鍾意就快D Share啦!