掃呢頁CODE去手機

2016年4月19日 星期二

徐子珊:徐子珊拋胸晒線 金剛見到唔止想飲奶 __,徐子珊,金剛,子珊,

真係搶晒鏡啊。藝人徐子珊、金剛、黃宗澤、方皓玟、及吳業坤等於九龍灣出席電影《刑警兄弟》首映。以低V晚裝晒出三吋事業線的子珊性感示人,成功揮低同場晒肩又晒背的方皓玟!而金剛於台上介紹飾演徐子珊母親的金燕玲出場時又大放笑彈:「見到佢就諗番起之前想飲奶嘅感覺!」其後金剛受訪時就表示拍戲時獲前輩金燕玲照顧,故憶起自己身在台灣的媽媽。談到大家誤以為金剛面對身旁谷胸的子珊頓時變得「想飲奶」?金剛就笑說:「對子 ...


真係搶晒鏡啊。

藝人徐子珊、金剛、黃宗澤、方皓玟、及吳業坤等於九龍灣出席電影《刑警兄弟》首映。以低V晚裝晒出三吋事業線的子珊性感示人,成功揮低同場晒肩又晒背的方皓玟!

而金剛於台上介紹飾演徐子珊母親的金燕玲出場時又大放笑彈:「見到佢就諗番起之前想飲奶嘅感覺!」其後金剛受訪時就表示拍戲時獲前輩金燕玲照顧,故憶起自己身在台灣的媽媽。談到大家誤以為金剛面對身旁谷胸的子珊頓時變得「想飲奶」?金剛就笑說:「對子珊就唔係想飲奶咁簡單!(咁係咩?)唔好講喇,講番部戲。」問他是否不敢直視性感的子珊?子珊即搶答:「佢女朋友(蕊蕊)大把貨啦,唔駛睇我呢啲。」

金剛聞言就轉話題,笑指子珊於戲中的「爆牙四眼妹」造型是天下無敵,更稱於戲中被對方的爆牙嚇親,故打到子珊流鼻血。問到二人有否親熱鏡頭?子珊笑說:「有錫,但佢好抗拒,見我棚牙就想打我。」

問到子珊與金剛合作是否不怕傳緋聞?子珊笑指對方不喜歡自己的類型。而金剛就抵死地暗指子珊身材唔夠勁:「雖然我手大,但品味可以變,性格好緊要。而且靚仔先有緋聞,我行地下市場嘅偶像路線!」

提到子珊有否請男友睇首映?她自認單身,又言要「斷六親」去避緋聞:「冇男友點請,男性朋友就有。(當中有發展對象?)有就唔請嚟畀你地影啦。(早前同邵仲衡弟弟約會?)撞到咋,我每次同男性撞到都被人寫,要斷六親避一避,驚嚇走真正追求者。」


來源 source: http://hk.on.cc
鍾意就快D Share啦!