掃呢頁CODE去手機

2016年4月12日 星期二

專案生活:落雨波鞋濕到爆 達人教你點解救 __,

靚鞋濕透煩到爆?達人教路只要用對方法,就可輕易令鞋子回復乾爽。連場大雨,不少人都領教過衫褲鞋襪盡濕,尤其返工時「出事」更加煩,而且依家啲波鞋閒閒哋一千幾百蚊一對,心愛波鞋一下子變成「水鞋」,都幾令人心傷。究竟應該點樣「拯救」濕透波鞋,又唔會整壞對靚波鞋?東網記者專程找來「洗鞋達人」教大家幾招,想波鞋慢慢變乾又得,快手變乾亦得,得咗!要整乾波鞋,專營洗鞋店的Alex有話說,他認為最好的方法是把波鞋放 ...


靚鞋濕透煩到爆?達人教路只要用對方法,就可輕易令鞋子回復乾爽。

連場大雨,不少人都領教過衫褲鞋襪盡濕,尤其返工時「出事」更加煩,而且依家啲波鞋閒閒哋一千幾百蚊一對,心愛波鞋一下子變成「水鞋」,都幾令人心傷。究竟應該點樣「拯救」濕透波鞋,又唔會整壞對靚波鞋?東網記者專程找來「洗鞋達人」教大家幾招,想波鞋慢慢變乾又得,快手變乾亦得,得咗!

要整乾波鞋,專營洗鞋店的Alex有話說,他認為最好的方法是把波鞋放於通風的地方,任由它自然風乾;如想加快風乾,或天氣過於潮濕令波鞋難以自然風乾,亦可使用抽濕機或風扇作輔助。另外,又可以於波鞋內放入報紙,吸走鞋內濕氣。

不少人以為把波鞋放於太陽底下曝曬,盡快「蒸乾」濕氣,可令波鞋快速變乾。惟Alex提醒,這種做法絕對是大忌,由於現時波鞋質料大多採用人造皮,此舉容易令波鞋變色「毀容」,他說:「因為陽光入面有紫外線,波鞋長期被紫外線照住,有可能令鞋身變色,特別係白色波鞋,好容易曬到黃,所以絕對唔建議咁做。」

如果無時間等波鞋慢慢風乾,用風筒吹乾,或直接使用乾衣機,又是否可行?Alex指,使用風筒及乾衣機並無問題,惟必須調校至合適溫度,「由於鞋身同鞋底中間係用鞋膠黏住,鞋膠嘅熔點一般唔會好高,部分更低過攝氏60度。」他表示,如果風筒或乾衣機的溫度過高,或會使鞋身及鞋底分離,令波鞋一分為二。

不過無論是否波鞋,若果鞋內有濕氣,容易孳生細菌,都會影響足部健康,故平常亦必須做足防潮工作,「如果暫時唔着對鞋,可以喺每隻鞋入面放報紙同埋防潮包,平均每三個月更換一次,再將對鞋放喺陰涼地方,有鞋盒就更加好。」


來源 source: http://hk.on.cc
鍾意就快D Share啦!