徐子珊以一身低V造型，於吉隆坡出席活動。
徐子珊、李思捷、丁悅、唐詩詠及組合好德兄弟等，在吉隆坡出席活動。而莊思明及范振鋒則擔任司儀。以性感低V打扮的子珊於台上獻唱，期間不時郁動的子珊，更疑似走光，畫面火辣！惹火的子珊更引來男士上台獻花及請求抱抱，可惜被她請食檸檬！反觀現場唐詩詠面對同樣情況則表現親民，大方向男士送抱！
怕醜而請異性「食檸檬」
其後子珊受訪時笑言因清減不少而不慎洩春光：「冇理由，件衫冇危險。不過可能瘦咗，已經貼晒膠紙同做足安全措施！」談及獲異性獻花及要求擁抱，子珊直認尷尬，又笑言因怕醜而多數請異性「食檸檬」：「多謝佢送花，登台經常遇到呢種情況，大家都好熱情。女仔抱抱就冇所謂，男仔通常都婉拒！」
恨參演真人騷
提到是次獻唱酬勞是否豐厚？子珊笑說：「唔係，我好平咋。我依家忙緊喺大陸宣傳《刑警兄弟》，呢套戲拍咗四年，好彩扮醜角，所以事隔幾年都唔覺大變化。」她透露有意參與內地真人騷：「我想玩得癲啲，睇見真人騷好癲，參與就可以寓工作於娛樂！」問她有否獲邀參演真人騷？子珊稱要慢慢挑選邀約，又自爆最怕蟲蟲：「有，但我好怕蛇蟲鼠蟻，要慢慢揀。」同場李思捷則於台上發揮「扮嘢王」本色，模仿多位樂壇天王連唱經典金曲，令全場升溫！
來源 source: http://hk.on.cc
|
鍾意就快D Share啦！
|
|
|