前後左右任睇，婷婷真係大方啫！
藝人謝婷婷穿上低胸露背裙出席首飾活動，她坦言真空上陣，但做足安全措施，完全不擔心走光：「我係想騷首飾，唔係騷胸。」她表示上年12月到內地拍真人騷節目，早前又受品牌邀請到意大利睇騷，故有一段時間不在港。
謝賢嗌拍戲搏盡
她透露將接拍兩部電影，並會有不少動作場面。問到會否接受特訓？她說：「佢唔要求我都會自己學，每星期兩、三次，又會做好多運動，好似羽毛球、潛水咁。」問她會否擔心拍戲時受傷？她表示於片場有很多人保護她：「之前有拍過一場跳樓戲，要喺六樓跳落嚟。但我唔想用替身，求佢哋畀我親身上陣拍，想吸取呢個經驗。」她又表示父親謝賢叫她「搏啲」，故她打算找父親一同訓練，爭取更多Family Time。
大方祝舊愛添女
提到其舊愛安志杰（Andy）與「警鐘胸」Jessica C.誕下女兒，她坦言有透過助手恭賀對方。問到有沒有打算親自傳短訊給他？她坦言沒想過，但於恭賀他的同時，順便問了Andy好友伍允龍的聯絡方法。因為她打算拜伍允龍為師，跟對方學打功夫。而問到她的感情狀況如何？她表示以工作為重。提到她不時與外籍男士出相入對？她表示：「我有好多朋友係外國人，佢係我啲朋友。」
唔知謝霆鋒王菲婚期
另外，問到有傳其哥哥謝霆鋒將與王菲於不丹結婚，她坦言未聽聞過此事，並說：「我朋友成日問我，我都唔知。到我知嗰時，一定係真。」
來源 source: http://hk.on.cc
|
鍾意就快D Share啦！
|
|
|
