網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月14日 星期四

租洗米華鋪 自強 Heidi落場箍食客 [壹週刊 - 1362] __,洗米華,李靜儀,Heidi,周焯華,M1,

三度耍冧茶餐廳試業中,密密巡鋪嘅華嫂Heidi日前又現身。見食客柯單遲咗送上,Heidi即代伙記向客人耍冧講:「Sorry,唔好意思,太多人!」探熱針租洗米華鋪 自強Heidi落場箍食客太陽娛樂老闆周焯華(洗米華)與MandyLieu去年的世紀一拖,拖醒了正印Heidi決為三角關係作出了斷,主動提出離婚。當洗米華主打同Mandy出埠玩,要自強的Heidi全情投入打拼果汁店、美容院及茶餐廳生意,親力 ...


三度耍冧

茶餐廳試業中,密密巡鋪嘅華嫂 Heidi日前又現身。見食客柯單遲咗送上, Heidi即代伙記向客人耍冧講:「 Sorry,唔好意思,太多人!」

探熱針

租洗米華鋪 自強 Heidi落場箍食客

太陽娛樂老闆周焯華(洗米華)與 Mandy Lieu去年的世紀一拖,拖醒了正印 Heidi決為三角關係作出了斷,主動提出離婚。當洗米華主打同 Mandy出埠玩,要自強的 Heidi全情投入打拼果汁店、美容院及茶餐廳生意,親力親為。

日前 Heidi到位於上環試業不久的茶餐廳巡鋪,更落場招呼客人,出現漏單又親自向食客耍冧,做到足!

殺嚟香港開茶記,但個鋪嘅大業主原來都是洗米華,離婚也未能完全分割。

洗米華場照交租

帶住兩個女,想靠自己的華嫂 Heidi積極從商。在澳門開設的東南亞茶餐廳擴充到香港,上月位於上環分店開始進行試業。

夫妻緣盡,但在上環信德中心的分拆場澳門廣場二千呎鋪位,業主正是洗米華。搞離婚,但現階段 Heidi仍與洗米爸同住,連茶餐廳分店都離不開洗米華地頭,十多年的關係,似乎難以一刀切。

據了解, Heidi為與洗米華在錢銀方面分清楚,就算鋪址是對方物業,屬租客的她,照交租。

「 Heidi香港呢間茶餐廳有成二千幾呎,係靚位,市值租金要二十萬。華哥俾得個鋪佢用,梗係可以唔使交租;但 Heidi要求數還數,路還路!反正都要搵旺鋪做生意,而且個場除華哥,其他股東都係 Heidi啲朋友,佢當撐朋友場所以堅持照俾租。至於租金打咗幾多折俾 Heidi,咁就唔清楚,但澳門啲鋪頭,就一定完全同華哥冇關係。」知情者說。

上月洗米華親到他有份投資,在信德中心分拆的澳門廣場造勢,原本企喺 Heidi的店鋪門口影相,經公關提點,避敏感追問即轉去華星冰室影相。

唔想個客再等,服務至上的 Heidi索性叫助手去水吧將午餐送到客人面前,再加多個耍冧,幾個食客見華嫂親自招呼,當堂笑晒。

老闆華嫂都冇位

華嫂 Heidi在澳門單是物業,可見的已近二億,大可悠悠閒的她,做生意依然一副力不到不為財的態度,更有食客見她多次到上環試業中的分店巡視。

本週一(四月十一日)中午, Heidi在助手陪同下,再現身上環的茶餐廳。

正值午市時間,茶餐廳一早爆滿,門口仲有廿幾卅人等位。生意好,老闆 Heidi冇位坐一樣笑晒。有食客見到華嫂,還以為她是來幫襯,「華嫂都嚟食!」 Heidi不怕陌生,同食客點頭微笑,做生招牌。

落鋪試菜的 Heidi,親力親為,捉住經過的伙記講:「快啲幫個客(鄰枱)追追啲嘢!」

午市時間,店鋪門口已有廿幾人輪候,剛到的 Heidi(箭嘴),都冇位坐。

月初陳山聰嘅胞兄同阿嫂都有去捧場,三個喺上環分店開餐, Heidi果然密密巡視。

親向食客耍冧

繁忙時間,有伙記漏單,食客追柯打,試緊菜的 Heidi即放低雙筷,親自幫客人跟進,又向久候了的食客連環耍冧講不好意思。當知華嫂 Heidi原來係老闆,更獲親自招呼,等食等到唔耐煩的客人立即笑得出。之後 Heidi索性叫助手埋去水吧,將遲來的午餐送到,服務至上, Heidi深明因小失大的道理,好識做生意。

巡鋪試菜跟伙記檢討,逗留一個鐘, Heidi到鄰鋪幫襯外賣生蠔,之後再會合在停車場等她的大仔周柏豪(洗米華前妻所生)離開。

Heidi跟洗米華,生意或家庭,太多瓜葛。

生意點忙, Heidi都抽空與兩女去日本玩,三母女齊著和服合照,下月便一歲的善潼好得意。

Heidi保養好,唔似已是兩女之母。回復單身後相信大把人追。

當日去上環巡完鋪, Heidi攞住外賣會合在停車場等她的大仔柏豪。

雖與洗米華分開,但周家上下包括老爺及洗米華與前妻所生的大仔柏豪,都對 Heidi好疼錫。

走大眾化路線

華嫂 Heidi打骰的東南亞特色茶餐廳,星馬、泰、越南及港式茶餐廳招牌菜都有提供,價錢走大眾化路線,午市粉麵飯平均四十多元,食物水準不錯,份量亦算多,加上食正樓上寫字樓商廈,試業期早午市都旺場。

王牌菜套餐$52

據聞王牌菜之一的越式咖喱雞湯檬粉,係老闆 Heidi至愛。當日巡鋪,佢又點呢個,有客人見狀,照跟。

記者在東南亞試食早餐,南瓜通粉配大大件炸魚柳,水準不錯。$32

交際能手

近期在商界大展拳腳的 Heidi,婚前做過保險,出名搏殺。婚後洗米華賭場事業扶搖直上, Heidi亦從此過着少奶奶生活,但憑她交際手腕,在背後成功為另一半建立強大人脈網絡。華嫂一直得澳門太陽城股東器重,就算跟洗米華離婚,她仍有出席澳門太陽城春茗,地位吃重。

狂掃鋪

已手揸兩億澳門物業的她,近年繼續狂掃鋪,其中位於石門的 OK Mall,她掃貨之餘亦有撐場。

果汁店

與陳山聰大嫂搞健康果汁店, Heidi不時親自落場做宣傳,陳山聰亦有嚟捧場。

美容院

今年初,在澳門開埋美容院。

撰文、攝影、攝錄:娛樂組


鍾意就快D Share啦!