掃呢頁CODE去手機

2016年4月14日 星期四

ig多 60萬 followers  Shin出局都有賺 [壹週刊 - 1362] __,Shin,吳思佳,M1,

娛樂偵訊ig多60萬followers Shin出局都有賺Kpop橫行,韓國藝人吃香,香港女子組合AsOne隊長Shin(吳思佳)唔介意由新人做起,去年底飛當地參加女團選秀節目《Produce101》,從101位入選美少女中爭取11個出線名額,進身韓國娛樂公司Mnet旗下女子組合。人在異地留足四個月,最終唔夠砌排23被淘汰,未能實現韓星夢。不過輸咗一樣賺好多,ig戶一直只有30多萬follower ...


娛樂偵訊

ig多 60萬 followers  Shin出局都有賺

K pop橫行,韓國藝人吃香,香港女子組合 As One隊長 Shin(吳思佳)唔介意由新人做起,去年底飛當地參加女團選秀節目《 Produce101》,從 101位入選美少女中爭取 11個出線名額,進身韓國娛樂公司 Mnet旗下女子組合。人在異地留足四個月,最終唔夠砌排 23被淘汰,未能實現韓星夢。不過輸咗一樣賺好多, ig戶一直只有 30多萬 followers的 Shin,人數因此颷升至 90多萬,輸都抵番晒

蝕住硬砌

中韓混血的 Shin,講得一口流利韓語,因而被推薦參加《 Produce101》,最終在二十三位止步。「當學嘢!了解點做一隊女子組合、韓國女團實質上係點樣相處、節目點錄已經好滿足。」雖然出局,但她沒有失望。

一二年出道的 Shin,從來沒有受過正統訓練,跟素有特訓經驗的韓妹硬砌,明顯輸蝕。

「今次得一個人,感覺好唔慣、好孤獨。講到排斥就冇乜,係有競爭,一百零一個女仔嚟自唔同嘅公司,有啲訓練咗七年,有啲係十年來不停咁受訓,對住佢哋好大壓力,始終我冇接受過正式韓國式訓練係有啲驚。」 Shin說。

Shin花了四個月時間參加《 Produce 101》,最後行到第廿三位止步,已算有交代。

Shin未參賽前, ig只有三十多萬 followers,參賽後颷升至九十多萬, K pop的爆發力真強。

懷疑有抑鬱

Shin表示每日最難受是夜深人靜的時候。

「好寂寞,喺韓國冇乜朋友,節目拍完佢哋一 group一 group返公司練習,一齊出街冇話特別約我。不過,呢個係一個讓我成長嘅經歷。每晚我都會喊,覺得好攰,又要諗第二日表演點做,諗完又要減肥,韓國好多嘢食都係好油好辣,冇清淡嘅,所以飲食有啲唔慣。」

人在異地, Shin唔開心時便匿埋房狂隊零食,所以搞到愈來愈肥,更一度懷疑自己有抑鬱症。

「真係以為自己有少少抑鬱,有陣時掛住媽咪,聽到佢把聲會喊,或者無端端坐喺度,覺得好辛苦我捱唔住喇,就崩潰係咁流眼淚。」

Shin在韓國特訓期間,因抵受不住被排斥及思鄉病發,與友人飯聚時忍不住訴苦兼痛哭。

雖然被 out了出局,但 Shin落機時有大班 fans及 As One其他三位成員接機,夠晒窩心。

在韓國參賽時, Shin每晚都會吃大量零食減壓,因此肥咗幾 kg回來。

受寵若驚

身為 As One的隊長,加上公司太陽娛樂力撐, Shin只好咬緊牙關捱落去。

「好多時都想放棄,真係好攰冇得瞓,減肥、壓力加埋一齊,但令我堅持到最後嘅係公司好支持我,唔想公司失望,加上自己係 As One嘅隊長,真係想表現得好好,想證明俾大家睇,香港人都可以做得好好。」

花了四個月時間打硬仗,最終落敗,但 Shin回港後即與隊友合體。「韓國 K Pop係世界流行,今次參加呢個節目感受到呢股力量, ig多咗五十幾萬 followers,有受寵若驚嘅感覺。」

有傳 Shin搭上韓國男子組合 GOT7的成員 Jackson,她卻另有說法。「話我哋係情侶關係,絕對唔係事實,佢做練習生時已經識,係識咗好多年嘅好朋友。」 Shin說。

Shin被指與 GOT7成員 Jackson拍拖,她卻斬釘截鐵否認。《 face》圖片

雖然與其他參賽者不太熟,但 Shin未至於零朋友,被排斥的情況不太嚴重。

撰文、攝影、攝錄:娛樂組


鍾意就快D Share啦!