網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月16日 星期六

【國際漿病毒】Kay着膠裙驚變吹氣公仔 __,Kay,謝安琪,

謝安琪呢身造型夠晒前衞,不過美觀角度嚟睇,就見仁見智。謝安琪(Kay)為咗紀念入行十年,喺紅館舉行一連兩場《拾回謝安琪數愛世界巡迴演唱會香港站》,舞台以三面台做設計,全場爆滿,不過現場就唔見阿Kay嘅老公張繼聰同佢囝囝張瞻。全場觀眾爭拍氣球演唱會開場時,舞台上面放咗一個巨型旅行篋,當現場大樂隊奏起音樂時,個篋就慢慢打開,之後就有好多巨型銀色氣球飛出嚟,觀眾即時起哄將氣球拍嚟拍去,阿Kay就着住裸色 ...


謝安琪呢身造型夠晒前衞,不過美觀角度嚟睇,就見仁見智。

謝安琪(Kay)為咗紀念入行十年,喺紅館舉行一連兩場《拾回謝安琪數愛世界巡迴演唱會香港站》,舞台以三面台做設計,全場爆滿,不過現場就唔見阿Kay嘅老公張繼聰同佢囝囝張瞻。

全場觀眾爭拍氣球

演唱會開場時,舞台上面放咗一個巨型旅行篋,當現場大樂隊奏起音樂時,個篋就慢慢打開,之後就有好多巨型銀色氣球飛出嚟,觀眾即時起哄將氣球拍嚟拍去,阿Kay就着住裸色貼身膠裙,上身就披住一條又似蛇又似水銀嘅披肩...好似係。

太貼身惹禍

成個造型雖然夠晒前衞,但可惜個感覺勁似吹氣公仔,加上條裙太貼身,搞到阿Kay轉身時,連底褲邊都透埋出嚟,認真陰公豬。而呢個造型另一個搶嘅地方,係阿Kay黐咗超巨型銀色眼睫毛,驟眼睇好似戴咗JUMBO眼罩咁,加上嗰對高到痺嘅高踭鞋,真係都唔知講咩好,只可以講番句,Fat唇嘅嘢,我哋識條...呢個時候,應該搵嚟近日衣着品味成為焦點嘅國際漿鄧紫棋嚟講番兩句,先至夠絕核!

嫌觀眾冇反應

之後阿Kay高唱《頭盔》為演唱會打開序幕,當阿Kay一口氣唱完三首歌之後,佢就笑問觀眾:「大家好似未ready,嗌嚟聽吓!」即時全場起哄,Kay再問:「今日好開心,好似旅行團。」


來源 source: http://hk.on.cc
鍾意就快D Share啦!