掃呢頁CODE去手機

2016年4月16日 星期六

【人妻Kay個唱】台上宣佈暫別樂壇:開始我人生另一個十年 __,Kay,十年,謝安琪,

曾經說過將會停工一年的人妻Kay謝安琪,一連兩晚於紅館舉行《拾回謝安琪數愛世界巡迴演唱會香港站》,噚晚(15號)開鑼。個唱以一曲《頭盔》打頭陣,但Kay在演唱會上冇戴頭盔,而是明明白白交代,今次個騷應該係佢暫時最後一個個唱。Kay噚晚請來了林海峰、麥浚龍同吳業坤任嘉賓(預告:今晚尾場係劉德華,仲會有fblive睇)特別嘉賓係Kay個仔——張瞻。張瞻小朋友仲上台跳舞,跳得勁過阿媽添!首場Kay連唱多 ...




其他影片:>>






曾經說過將會停工一年的人妻Kay謝安琪,一連兩晚於紅館舉行《拾回謝安琪數愛世界巡迴演唱會香港站》,噚晚(15號)開鑼。個唱以一曲《頭盔》打頭陣,但Kay在演唱會上冇戴頭盔,而是明明白白交代,今次個騷應該係佢暫時最後一個個唱。Kay噚晚請來了林海峰、麥浚龍同吳業坤任嘉賓(預告:今晚尾場係劉德華,仲會有fb live睇)特別嘉賓係Kay個仔——張瞻。張瞻小朋友仲上台跳舞,跳得勁過阿媽添!首場Kay連唱多首經典作,如正佢開場所講,係一啲令佢好驕傲嘅音樂,同埋最閱讀到佢個心嘅音樂,包括《鍾無艷》、《獨家村》、《姿色份子》、《雞蛋與羔羊》、《家明》、《最好的時刻》、《羅生門》、《囍帖街》及《山林道》等等等等。個唱第二節,身穿閃金旗袍嘅Kay獻唱《開卷快樂》,然後林海峰出場,兩人合唱一曲《廣東話》。之前Kay仲唱了一曲甄妮嘅《奮鬥》,憑歌寄意:「之前我都做過煇哥顧嘉煇嘅演唱會,希望唱以下呢首歌(《奮鬥》)俾大家聽,因為我將邁向人生另一個階段,想鼓勵下自己,開始另一個十年。」嗚…另外,阿Kay完騷後,喺後台被問係唔係「暫別樂壇」,佢就話公開活動唔會出席,譬如有啲生日活動,就會唱吓生日歌,問及係唔係趕生B,阿Kay直言會用一年、或者年幾嘅時間去休息,亦都會呢個可能性,因為自己喺四十歲之前,如果生到都會生,有小朋友係一件開心嘅事嚟,不過阿Kay就未知自己休息幾耐,可能係一年、年幾又唔定,目前同公司嘅合約差唔多完成,可以將公司放低先。講到佢要休息,咁老公張繼聰會好大壓力,佢講:「生活豐儉由人,生活裡面,錢只係其中一樣嘢,自己用咗一年時間去plan同部署呢個休息。」對於阿Kay忽然咁感性,咁呢個係唔係阿Kay最後一個騷?阿Kay稱:「暫時係,因為唔知第時音樂發行係點,自己亦都唔想花咁多時間喺工作上。」


鍾意就快D Share啦!