陳慧琳一門兩傑，兩個仔仔都有明星相！
天后陳慧琳（Kelly）、楊千嬅、蘇麗珊等出席時尚品牌活動，身穿白色通花連身裙的Kelly表示近日亦有追看大熱韓劇《太陽的後裔》，兩對男女主角自己都很喜歡。
大仔勁怕醜
提到有網民指她的大仔蝦餃仔與該劇男主角宋仲基撞樣，她笑言有看到報道，覺得非常開心：「有啲似嘅，唔知係咪鼻同眼似，同可能都係面尖尖咁，本身我仲怕佢太老實，冇女仔鍾意，依家佢全亞洲都有市場，我可以揀新抱，安樂晒！」問到蝦餃仔在學校是否受女同學歡迎？她說：「唔係，佢cool啲，唔係好主動，比較怕醜。（似老公？）唔係，佢似我，我怕醜。」又指細仔小籠包就似老公，不會怕醜。
幫細仔平反
對於蝦餃仔常被指似明星，Kelly提到小籠包亦曾被指似鄭則士：「依家佢脱晒水，瘦咗好多，冇晒baby fat，我要幫佢平反，可能佢大啲會似另一個韓星。」至於可有打算讓兒子做童星？她指蝦餃仔沒有表演欲，所以不太適合，雖然小籠包比較適合，但經常不受控：「唔使旨意佢會講到對白，希望佢大啲會好啲。（有冇人搵你哋母子檔拍廣告？）都有，但暫時唔適合，佢哋未ready。」又笑言更加不會找兩個兒子幫她拍MV：「要湊佢哋好辛苦，又要做自己又要做阿媽，做阿媽辛苦過做歌手，依家出嚟做嘢就可以唞吓，喺屋企會好勞累。」
來源 source: http://hk.on.cc
|
鍾意就快D Share啦！
|
|
|