網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年4月7日 星期四

失婚型佬六訪香閨 阿Sa被爆拍拖一個月:我係識嗰個人 __,阿Sa,蔡卓妍,

蔡卓妍(Sa)上年同拍拖5年嘅陳偉霆分手,阿Sa出名人緣好,又點會冇人追,今日有周刊爆佢上月同42歲餐廳老闆蔣翹帆(Hudson)拍拖個幾月,感情已升溫,報道更指,男方喺12日內,有6晚都去咗阿Sa屋企過夜,認真愛得纏綿!據報道稱,Hudson同過阿Sa一齊睇ArtBasel、又去咗睇Twins跨年演唱會,不過佢唔係圈中人,而且次次都有阿嬌(鍾欣潼)做煙幕先冇被人發覺,Hudson成功俘虜咗阿Sa ...


蔡卓妍(Sa)上年同拍拖5年嘅陳偉霆分手,阿Sa出名人緣好,又點會冇人追,今日有周刊爆佢上月同42歲餐廳老闆蔣翹帆(Hudson)拍拖個幾月,感情已升溫,報道更指,男方喺12日內,有6晚都去咗阿Sa屋企過夜,認真愛得纏綿!據報道稱,Hudson同過阿Sa一齊睇Art Basel、又去咗睇Twins跨年演唱會,不過佢唔係圈中人,而且次次都有阿嬌(鍾欣潼)做煙幕先冇被人發覺,Hudson成功俘虜咗阿Sa嘅心,盛傳佢哋識好多年,阿Sa更因為成日去對方間日本餐廳食嘢,先慢慢行埋咗,為咗多啲時間見面,Hudson一收工就閃人,走咗去阿Sa位於九龍塘嘅住宅歎二人世界,Hudson每次都揀凌晨嗰陣坐的士去阿Sa屋企,一撳鐘就有人開門,似乎阿Sa一早就等緊對方,而Hudson就揀第二日嘅中午先走人。據聞Hudson離咗婚,有一個約10歲大嘅囝囝,前妻係印尼人,不過手頭冇物業,只係租地方住,而佢係印尼餐廳嘅董事,而一間日本餐廳嘅百分之三十嘅股權,周刊都有問過Hudson,佢就唔認去過阿Sa屋企,只係去朋友屋企,目前仲係單身,二人係透過朋友介紹識,更指阿Sa係一個好女仔,但係自己家庭背景唔係咁好,唔想影響到阿Sa,又話自己識得好多人,好多都有機會。阿Sa透過公司回應《蘋果》:「我係識嗰個人,但唔知佢去展覽,只係喺現場撞到佢。」對於蔣翹帆被影到深夜現身阿Sa香閨,發言人表示:「真係唔知佢去嗰度做乜。」《蘋果》打過畀Hudson,佢就冇聽電話,不過就透過WhatsApp否認戀情:「唔係,唔好誤會,我唔知佢住喺嗰度,我淨係去探朋友,唔知點解會有咁嘅故事。」提到佢哋二人同遊Art Basel,佢就解釋:「我撞到好多朋友,唔係淨係佢。」不過12日內去咗6次同一地方探朋友好似密咗啲噃……


鍾意就快D Share啦!