掃呢頁CODE去手機

2016年4月30日 星期六

【獨家有片】醉爆Stephy踎地舉晒手 被兩男送走 __,Stephy,鄧麗欣,

Miki同老公郭永淳婚禮派對,越夜越得顛,現到6點幾,啲賓客走得七七八八,一對新人同Stephy開始嚟料。首先玩得盡興嘅新郎哥除下煲呔,Stephy吹雞叫姊妹同Miki兩公婆影合照,郭永淳就high爆話要好chok,成班人鬥chok擺甫士,Miki就「影后」上身騷玉背,之後同Stephy及一班姊妹就擺出「飛毛腿」上身甫士橫掃老公,認真搞笑。之前有指Miki為好姊妹Stephy而唔請方力申嚟,費事分 ...




其他影片:>>






Miki同老公郭永淳婚禮派對,越夜越得顛,現到6點幾,啲賓客走得七七八八,一對新人同Stephy開始嚟料。首先玩得盡興嘅新郎哥除下煲呔,Stephy吹雞叫姊妹同Miki兩公婆影合照,郭永淳就high爆話要好chok,成班人鬥chok擺甫士,Miki就「影后」上身騷玉背,之後同Stephy及一班姊妹就擺出「飛毛腿」上身甫士橫掃老公,認真搞笑。之前有指Miki為好姊妹Stephy而唔請方力申嚟,費事分手男女同場,Stephy果然玩得盡興,影完大合照,又同Miki,側田去露台位吹水。期間側田又食煙又飲酒,Stephy都應該飲得唔少,見佢好high咁同側田傾得好開心,側田更笑到踎晒喺地下,Stephy即跟住踎,搭住側田膊頭密密斟,之後又同另下兩個男賓客傾偈,講到要做埋動作舉晒手,氹得兩個男伴笑得好開心。玩到近7點,「醉爆姊妹」嘅Stephy就走先,不過男伴見佢好有醉意就送佢上車,期間Stephy仲大大聲笑笑口:「我哋去邊,下一站去邊。」兩名男士見到佢咁high即應佢:「你企好先啦,唔好周圍走。」

採訪、攝影:陳辰、徐錦池 Stephy同側田講笑講到踎晒喺地下
Stephy成程都好似好high咁 之後有兩個男賓客同Stephy傾到笑晒口 Stephy high到舉晒手氹到個男賓客笑個口合唔埋
又嚟……

鍾意就快D Share啦!