網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月5日 星期四

數碼港施肥 馬天佑當住吳千語露械屙尿 [壹週刊 - 1365] __,馬天佑,天佑,吳千語,千語,M1,

人有三急,馬天佑當眾露械,對住草地射尿,身後的吳千語笑騎騎,幫手睇水。娛頭數碼港施肥 馬天佑當住吳千語露械屙尿同林峯拍拖三年,吳千語終於成功𦧲掂林峯買大屋同居,疊埋心水等做「廈門新抱」。最近,長時間游手好閒的千語BB,幾乎日日喺數碼港公園出沒。日前千語BB約埋情同姊妹的形象指導馬天佑孖咇放狗,其間馬天佑人有三急,懶得去搵廁所,竟然就地解決。光天白日當眾露械,「小天佑」見光!身旁的千語BB完全唔覺得 ...


人有三急,馬天佑當眾露械,對住草地射尿,身後的吳千語笑騎騎,幫手睇水。

娛頭

數碼港施肥 馬天佑當住吳千語露械屙尿

同林峯拍拖三年,吳千語終於成功𦧲掂林峯買大屋同居,疊埋心水等做「廈門新抱」。最近,長時間游手好閒的千語 BB,幾乎日日喺數碼港公園出沒。

日前千語 BB約埋情同姊妹的形象指導馬天佑孖咇放狗,其間馬天佑人有三急,懶得去搵廁所,竟然就地解決。光天白日當眾露械,「小天佑」見光!身旁的千語 BB完全唔覺得尷尬之餘,仲笑笑囗兩頭望,幫手睇水。快速解決完後,馬天佑連手都唔洗又繼續撚狗,好唔衞生啫!

好姊妹陪玩

林峯為個唱閉門加操,陪玩陪食陪買的重任就交俾老友馬天佑。今年廿七歲的馬天佑,同千語 BB年紀相若,在圈中冧掂唔少大星,好似 Baby、阿 Sa、 Joey,全部係佢客仔,加上同千語 BB有同一嗜好,鍾意 shopping使錢買名牌,志趣相投,所以林峯唔喺身邊,馬天佑就成為千語 BB嘅「最佳伴侶」。個多月前馬天佑做伴遊陪千語 BB遊法國掃貨,跟手再去英國睇騷。返到香港二人繼續做連體嬰,連林峯個唱,都孖住一齊捧場,完騷後再一齊消夜直落,仲痴纏過情侶。

半分鐘完事,馬天佑快手收埋「小天佑」,拉番褲鏈!

小解完,冇洗手嘅馬天佑幫千語 BB抱住狗仔,好唔衞生啫!

老友露械屙尿,女友把風!林峯爆笑話:「唔係急到咁呀?」

當眾射尿

早前二人又約埋一齊去公園放狗。當日下午,千語 BB帶住兩個工人同埋三隻愛犬現身數碼港的狗公園會合馬天佑。一身街坊裝的千語 BB拖住愛犬,同馬天佑邊行邊傾,雞啄唔斷,仲時不時放聲大笑。三隻狗仔放緊電時,二人突然撇低工人同狗仔,鬼鬼祟祟急步行去公園暗角匿在樹後,馬天佑二話不說鬆開褲鏈,原來係人有三急,馬天佑懶得搵廁所,寧願當眾露出「小天佑」就地正法,對住草地射尿。半分鐘唔使,馬天佑火速完事,快手收埋「小天佑」,笑笑囗拉番褲鏈。

疊埋心水等做「廈門新抱」,千語 BB全面減產,近日無所事事的她日日喺數碼港放狗過日辰。

胃酸倒流,瘦到得番棚骨的千語 BB,拉住隻大狗,好吃力!

馬天佑同林峯老友鬼鬼,今次開騷仲搵對方做形象指導。

千語睇水

老友隨處小便兼當眾露械,身旁千語 BB若無其事,而且笑笑囗企喺後面,兩頭望幫手睇水,確保四周冇人,完全冇尷尬。至於小解完後的馬天佑,竟然連手都唔洗就繼續玩狗。冇公德心之餘,仲連衞生常識都冇!

玩足一粒鐘,人同狗都冇晒電,一行人準備打道回府,唔夠九十磅的千語 BB拖住大狗,鬼咁吃力!馬天佑就幫手抱住貴婦狗仔,去商場逛了一圈後,就跳上保母車返歸。

去年千語 BB終於𦧲掂林峯買樓同居,二人孖住為新屋掃廚具。

為演唱會日操夜操,林峯體重暴跌 21磅,塊面尖到㓤死人。

林峯開騷,馬天佑傍住千語 BB捧場,完騷後二人消夜直落。

以笑遮醜

上週日(一日),林峯演唱會尾場,慶功宴上馬天佑被問到當眾露械一事,表現非常尷尬,仲不停以笑遮醜。

壹:你哋係咪一齊放狗呀?

馬:咦?你又知嘅?

壹:我哋影到你喺公眾場合屙尿?點解唔搵洗手間去呀?

馬:因為嗰度方圓十里都冇洗手間!(其實公園入面有洗手間,真係搵唔到,附近商場都有囉!)

壹:你知唔知咁樣係犯法呀?

馬:我知我知,下次唔會啦,真係對唔住!

壹:咁喺千語面前唔會覺得尷尬咩?

馬:佢都唔係望住。

壹:但你知唔知咁係犯法㗎?

馬:我知呀,但嗰吓真係到咗一個極限,下次唔會㗎,平時都唔會咁㗎,成世人第一次。

另一主角千語 BB,見到老友露械相,相當好奇,仲放大張相,睇完又睇,兼且陰陰嘴笑。

吳:佢知㗎,我哋都知㗎!

壹:會唔會覺得尷尬呀?

吳:你應該要問佢呀!

壹:但你幫佢擋喎?

吳:你問吓佢,我哋覺得冇嘢嘅。

壹:怕唔怕男朋友介意呀?

吳:佢知㗎,我講咗俾佢知

至於啱啱做完騷的林峯,就早有準備,記者未開囗,已經爆笑話:「我知㗎喇!嗰日佢同我講,我已經話唔係急到咁呀?冇乜嘢嘅,我淨係覺得好好笑!」

日日放狗

去年因為胃酸倒流,千語 BB瘦到得番八十八磅,搞到林峯鬼咁心痛!要呵番 BB,林峯出動銀彈攻勢,一擲 6200萬買入薄扶林嘉林閣豪宅,正式同 BB住埋。由西環搬去薄扶林,千語 BB用五分鐘車程就去到數碼港公園。所以連日來,冇工開的千語 BB都帶住三隻愛犬到公園散步過日辰,見到相熟街坊,就停低吹水傾「湊狗經」,同行仲有兩個工人傍住,三個人三隻狗,一人 mark實一隻,包冇走甩!陪三隻狗仔放電一粒鐘,一行人就打道回府。

馬天佑得知自己屙尿被拍,一臉尷尬,仲語咁大個仔第一次。

千語 BB見到老友屙尿相,睇完又睇,仲不停陰陰嘴笑。

由形象指導轉型做歌手,馬天佑獲黎明賞識簽約旗下。

轉軚做歌手

年僅二十七歲的富二代馬天佑,是香港著名的星級形象指導,於英國倫敦時尚學院畢業,回港後即擲十萬創業,開設 Fame Glory製作公司,曾為金像獎及各大名牌任形象指導外,更與不少圈內歌手分屬好友,是不少天王天后如周杰倫、容祖兒、周柏豪、林峯等的御用形象設計師,除 styling外,馬天佑更多方面發展,出書、拍 MV,更加盟 A Music,由時裝界跳到樂壇。去年,新歌《倒數三秒》更邀得天后 Sammi破天荒擔任女主角。

觸犯法例

07年,林海峰與一班好友於西貢出海玩 wakeboard,人有三急貪方便的林海峰居然當眾露械,在碼頭旁向住大海小便。

根據「公眾潔淨及防止滋擾規例」,任何年滿十二歲以上人士,在沒有合理情況下,於街道、公眾地方或建築物的任何公用地方小便,即屬違法,初犯者須罰款$2,001-$5,000,而最高刑罰則為$25,000及監禁六個月。

撰文、攝影、攝錄:娛樂組


鍾意就快D Share啦!