網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月12日 星期四

王晶新女林莉嫻 片場癲叫要返屋企 [壹週刊 - 1366] __,林莉嫻,王晶,林莉,M1,

探熱針王晶新女林莉嫻 片場癲叫要返屋企王晶幫大台監製千王劇《群英會》正在深圳開工,除佘詩曼、馬國明、高海寧等無綫花旦小生外,他又安插晶女郎文凱玲,鍾采羲演出,其中愛將33B林莉嫻(Leslie)更有機會孭重飛跟謝賢飾演兩父女。不過開工第一日,Leslie不單頻食NG,更失控發癲大叫要返屋企,最後惟有臨時換人,由沈卓盈頂上。方寸大亂新劇上月在深圳開工,劇中飾演謝賢女兒的林莉嫻亦陸續入組,據了解,第一 ...


探熱針

王晶新女林莉嫻 片場癲叫要返屋企

王晶幫大台監製千王劇《群英會》正在深圳開工,除佘詩曼、馬國明、高海寧等無綫花旦小生外,他又安插晶女郎文凱玲,鍾采羲演出,其中愛將 33B林莉嫻( Leslie)更有機會孭重飛跟謝賢飾演兩父女。不過開工第一日, Leslie不單頻食 NG,更失控發癲大叫要返屋企,最後惟有臨時換人,由沈卓盈頂上。

方寸大亂

新劇上月在深圳開工,劇中飾演謝賢女兒的林莉嫻亦陸續入組,據了解,第一日開工,跟楊明有對手戲的她突然失控,在片場大叫,目睹的工作人員都被嚇到方寸大亂。

「比起拍《鴨王 2》時, Leslie瘦咗成個碼,佢嗰日出現片場已經冇乜精神,第一場同楊明嘅對手戲頻頻 NG,講兩句對白都 NG咗二十幾次,講極都講唔到,楊明知佢係新人,都好有耐性教佢,係咁叫佢唔好緊張,但 Leslie都係做唔到導演要求,一個鏡頭拍成粒鐘。」工作人員透露。

沈卓盈執到好籌,在片場風騷的她,經常跟劇中老豆謝賢合照。

沈大師除跟謝賢合照外,在片場內與同劇的陳法蓉、楊明、高 Ling等都經常合照。

一日貨仔

一班晶女郎包括林莉嫻、鍾采羲、 Hazel同文凱玲都在《鴨王 2》大晒身材。

模特兒出身的林莉嫻,拍《鴨王 2》被王晶睇中,繼而力捧再演新劇《群英會》,雖然有報導指她因戲屎被老豆謝賢嫌棄,其實開工只有一日的她,跟楊明做完第一場戲已經被叮走。

「 Leslie講唔到對白之外,其實最恐怖係佢情緒失控,不斷喺現場嗌要即刻返屋企,大家都唔知佢發生咩事,淨係聽到喊聲,後來愈睇愈唔對路,就索性停拍,叫人送佢走。不過楊明就真係俾佢嚇傻,大家覺得唔可以唔處理,當晚即刻開會,因為驚佢之後嘅情緒未搞得掂,所以決定換人。阿佘嗰日唔喺度,但事後知道都好驚,事關大家都話佢好癲。如果拍到一半又發生咁嘅問題,就好難再換人。」工作人員透露。

沈卓盈執二攤

本來在劇中飾演奸角的沈卓盈,臨時易角頂替林莉嫻做乖乖女,戲份亦相對加重,她急不及待在微博 po相。

「沈大師本來個角色好唔討好,都係做勾引男人嘅壞女人,戲份又唔多,而家冷手執個熱煎堆,佢梗係開心,所以喺片場好風騷,加上謝賢都冇架子好易話為,佢哋兩父女嘅戲份拍得好順暢。」工作人員透露。

未入行前林莉嫻鍾意將跟朋友蒲相放上 facebook。

《群英會》在內地開工,阿佘同郭峰尤其精靈,合照時經常扮鬼扮馬。

撰文、攝影、攝錄:娛樂組


鍾意就快D Share啦!