掃呢頁CODE去手機

2016年5月12日 星期四

狠撇六呎型男 樂瞳嗒富二代晒三點式 [壹週刊 - 1366] __,富二代,樂瞳,M1,

樂瞳經常孖住富二代新歡David到圓方拍拖。探熱針狠撇六呎型男 樂瞳嗒富二代晒三點式無綫小花樂瞳(Cilla)雖然已經廿九歲,但因為個樣生得的骰可愛,加埋腰果眼冧盡宅男,入行5年收兵無數,不過原來她開始恨嫁,講明想三十歲前結婚!同圈外6呎型男拍拖一年一直愛得甜蜜,今年三月仲齊齊同遊日本,但原來最近樂瞳已經狠飛型男,轉投有米新歡David懷抱,二人拍拖短短一個月已經密密孖住出trip兼豪宅同居,完全 ...


樂瞳經常孖住富二代新歡 David到圓方拍拖。

探熱針

狠撇六呎型男 樂瞳嗒富二代晒三點式

無綫小花樂瞳( Cilla)雖然已經廿九歲,但因為個樣生得的骰可愛,加埋腰果眼冧盡宅男,入行 5年收兵無數,不過原來她開始恨嫁,講明想三十歲前結婚!

同圈外 6呎型男拍拖一年一直愛得甜蜜,今年三月仲齊齊同遊日本,但原來最近樂瞳已經狠飛型男,轉投有米新歡 David懷抱,二人拍拖短短一個月已經密密孖住出 trip兼豪宅同居,完全不愁寂寞。

極速換畫

出年便三字頭的樂瞳身為宅男女神,多人追求實在不足為奇,過往與拍檔經常拍戲撻着的她,去年情歸三十四歲做金融的圈外型男阿希,二人多次被影到甜蜜拍拖,去年同遊泰國時,男友更在水上樂園攬着樂瞳掃胸掃腰,公然調情。

雖然男友高大威猛又靚仔,不過樂瞳最終都選擇狠飛對方,原來是因為錢作怪,騎牛搵馬的樂瞳識到有米富二代 David馬家達(譯音),唔使講都知樂瞳會點揀。

「今年三月先聽樂瞳講同阿希去日本旅行,點知返咗嚟無耐就話分手,問佢好哋哋做咩分手佢死都唔肯講,點知唔使一個禮拜佢已經同咗第二個一齊,聽講而家嗰個家底好好,出入揸價值百幾萬嘅瑪莎拉蒂,佢屋企人就喺九龍站 The Austin有兩個相連單位,佢哋一齊無耐,個男人已經請佢周圍去旅行,仲喺九龍站租咗個 apartment同佢一齊住!」樂瞳身邊人透露。

情到濃時, David主動出手摸女友頭及面珠,樂瞳即時小鳥依人挨住男友。

上個禮拜,一對小情人又再孖住到重慶旅行, David安排入住溫泉酒店,樂瞳亦唔介意着三點式喺男友面前騷哥利。

最近樂瞳經常在網上大晒物質相,收入唔多嘅佢又 po相晒豪宅,難怪高登巴打開始質疑樂瞳係咪俾老細包。

圓方出巡

工作本身已經唔多嘅樂瞳,自從識咗有米新歡 David後更加無心戀戰,為咗箍實男友,每日都用貼身戰術黐實男友。兩星期前,樂瞳就孖住富二代 David到圓方商場去樓上睇戲,散場後二人孖公仔般黐到實周圍行,沿路二人有講有笑,樂瞳買完咖啡同蛋糕後,再齊齊行返去位於附近 Service apartment寓所。

過幾日,二人再次現身圓方拍拖睇戲,睇完戲二人例牌係商場 hea住行街,其間 David對樂瞳做出摸頭、摸面珠等親密舉動,樂瞳即面露冧爆甜笑兼小鳥依人挨實男友齊齊返回香閨,繼續溫馨。

早前樂瞳同男友 David到圓方戲院睇戲。

男友俾錢買戲飛,作為女友的樂瞳跟到實。

散場後,二人買晒咖啡邊飲邊散步。

當日二人齊齊返回位於圓方樓上的 service apartment寓所。

重慶大解放

同有米 David拍拖短短一個多月,已經先後同遊台灣、澳洲,有男友照住,樂瞳每次出 trip都食好住好兼坐商務客位,樂瞳更經常在網上大晒旅行相,炫耀自己有幾富貴,完全未有因為同舊愛分手而影響情緒!

早幾日樂瞳又再孖住新歡 David到重慶旅行,男友安排入住溫泉酒店,識做的樂瞳亦唔介意穿三點式在男友面前晒身材「騷哥利」!

生得的骰可愛的樂瞳原來都係有料之人。

前男友阿希高大又靚仔,樂瞳以往經常晒狗相宣示主權,可惜樂瞳識咗有米 David後,即狠飛前度。

生活升呢

大台拍劇收入有數得計,但樂瞳自從同有米 David拍拖後,生活質素即時升呢,更不避嫌高調在網上晒相,就連高登仔都開 po質疑樂瞳係咪俾老細包咗。「幾年前識佢都唔覺得佢咁物質,但近年見佢的確多咗好多名牌,佢對上嗰個男朋友做金融,其實都唔差,不過滿足唔到佢囉,而家搵到個更加有錢又捨得使喺佢身上,啱晒佢呢種港女!」知情人士透露。

樂瞳在劇集《點解阿 sir係阿 sir》中的學生妹形象深入民心。

樂瞳孖住香香、陳煒等人穿上印有三點式圖案 T恤為新劇《火線下的江湖大佬》宣傳。

默認拍拖

本週一樂瞳出席活動時直認透過朋友認識新歡 David。

本週一,剛同男友 David去完旅行充電回港的樂瞳,出席活動時被問到同富二代 David戀情時,「佢喺我公公過身好唔開心嘅時候突然出現咗,佢喺呢段時間好 take care我,大家會熟絡咗好多!(知唔知對方係富二代?)我唔清楚!(你而家住嗰度係男友租俾你?)唔係,嚟緊都會搬返屋企住,嗰度係朋友嘅!」

小三姣精

外表純情但電力十足的樂瞳,入行多年,緋聞男友一籮籮,上至人夫,下至奀星,全部通殺。

鄧智偉

10年,曾與大台音樂總監鄧智偉傳緋聞,鄧智偉利用自己人脈關係,介紹樂瞳給其他唱片公司,更有傳二人秘遊馬爾代夫。

楊明

12年合作《情越海岸線》,樂瞳勁冧劇中對手楊明,明知對方有未婚妻,仍主動出擊,出盡姣功,狂發短訊,最終被楊未婚妻發現才斬纜。

李天翔

13年,與李天翔合作《初五啟市錄》撻着,李天翔瞞住圈外未婚妻 BoBo,與樂瞳發展地下情,明做「小三」。

朱敏瀚

11年,與朱敏瀚合拍《點解阿 Sir係阿 Sir》,當時朱敏瀚力追樂瞳,但女方無動於衷,男方於是轉投蔣家旻懷抱,其後,樂瞳與李天翔分手後,反而主動翻撩朱敏瀚,又做「小三」搶人男友。

撰文、攝影、攝錄:娛樂組


鍾意就快D Share啦!