掃呢頁CODE去手機

2016年5月12日 星期四

旺角酒樓請飲 蒙古少奶梁佩瑚搞本土婚宴 [壹週刊 - 1366] __,梁佩瑚,M1,

梁佩瑚在旺角的聯邦酒樓請飲,婚宴上開心得跟老公玩黐手。探熱針旺角酒樓請飲 蒙古少奶梁佩瑚搞本土婚宴前港姐梁佩瑚,上月跟蒙古商人郭雲飛在三亞舉行婚禮,邀請一班圈中好姊妹包括凍齡港姐吳婉芳、李嘉慧等出席後,上週六(5月7日)再在港補擺喜酒宴請親友,今次屬梁府宴客,向來玩得嘅梁佩瑚亦大搞本土特色,揀在旺角一間酒樓筵開八席,著住蒙古新娘裝同老公一齊開P。筵開八席八九年港姐季軍梁佩瑚,上月突然在海南島三亞閃 ...


梁佩瑚在旺角的聯邦酒樓請飲,婚宴上開心得跟老公玩黐手。

探熱針

旺角酒樓請飲 蒙古少奶梁佩瑚搞本土婚宴

前港姐梁佩瑚,上月跟蒙古商人郭雲飛在三亞舉行婚禮,邀請一班圈中好姊妹包括凍齡港姐吳婉芳、李嘉慧等出席後,上週六( 5月 7日)再在港補擺喜酒宴請親友,今次屬梁府宴客,向來玩得嘅梁佩瑚亦大搞本土特色,揀在旺角一間酒樓筵開八席,著住蒙古新娘裝同老公一齊開 P。

筵開八席

八九年港姐季軍梁佩瑚,上月突然在海南島三亞閃婚,跟拍拖半年的蒙古地產商人郭雲飛拉埋天窗,當日不少好友都飛三亞出席婚宴,相隔半個月,梁佩瑚偕夫返港再擺酒,不過今次選中的不是酒店,而是夠晒本土特色的旺角酒樓。

上月在三亞擺酒,梁佩瑚跟老公全程著傳統蒙古禮服招呼賓客。

戴住大抽金鈪,輕鬆新娘梁佩瑚醉住騷一騷。

當晚梁府筵開八席,吃的都是港式飲宴食物,不過新娘未有著傳統裙褂,反而著住在三亞婚宴時穿過的蒙古新娘禮服,但就戴晒所有親友送贈的金器首飾。

「其實五月七日係梁府于歸,請番爸爸啲朋友同親戚,當晚大家都好開心,好似 party咁,我啲朋友都話呢個係佢哋近排參加過最開心、最輕鬆嘅婚禮,事實上我都係以呢個方式去搞呢個 party。」現已身在內地的梁佩瑚在電話回應。

吳婉芳飛三亞出席婚禮,回港亦有到旺角飲本土宴,認真好姊妹。

好友余宜發也有飛三亞做「姊妹」,陪住老友出嫁。

在三亞酒店舉行婚禮,老公郭雲飛跟胞弟梁焯滿都悉心打扮,配合粉紅主題。

胞弟梁焯皓(左二)跟女友戴辛尉都有去飲。

冇造人計劃

老公郭雲飛過去有過一段婚姻並育有子女,現年 47歲,自言有番咁上下年紀的梁佩瑚,亦從未諗過造人計劃。

「生 BB都係隨緣,基於自己已經有相當年紀,懷孕嘅機會相當低,所以都係冇咁嘅打算,冇小朋友,我會繼續工作同寫嘢,做到老咗先退休,雖然我依家都老老哋。」梁佩瑚笑着回應。

梁佩瑚淡出幕前,專注寫作出書,近幾年更開始學畫畫做全職才女。

89年港姐,冠軍陳法蓉和亞軍朱潔儀,到現在仍是單身。

撰文、攝影、攝錄:娛樂組


鍾意就快D Share啦!