掃呢頁CODE去手機

2016年5月19日 星期四

吳千語帶林峯 悉尼見家長 [壹週刊 - 1367] __,林峯,吳千語,千語,M1,

探熱針吳千語帶林峯 悉尼見家長林峯開騷唔得閒,千語BB日日黐住「好姊妹」馬天佑,感情好到連對方當面露械屙尿,峯嫂都若無其事!三場個唱結束,馬天佑任務完成,陪玩陪食陪買重任,再次交番俾林峯。週日(五月十五日),林峯已第一時間陪千語BB出發去澳洲放電。今次五日四夜之旅,二人除了plan好去滑浪、行山,最主要是探望千語BB在澳洲的親戚,進一步深入女家。唔住酒店為咗全副精神應付個唱,被指要「禁慾」,同女友 ...


探熱針

吳千語帶林峯 悉尼見家長

林峯開騷唔得閒,千語 BB日日黐住「好姊妹」馬天佑,感情好到連對方當面露械屙尿,峯嫂都若無其事!

三場個唱結束,馬天佑任務完成,陪玩陪食陪買重任,再次交番俾林峯。週日(五月十五日),林峯已第一時間陪千語 BB出發去澳洲放電。今次五日四夜之旅,二人除了 plan好去滑浪、行山,最主要是探望千語 BB在澳洲的親戚,進一步深入女家。

唔住酒店

為咗全副精神應付個唱,被指要「禁慾」,同女友保持距離的林峯,完騷後全面回歸千語 BB。

拍拖三年,二人幾乎遊勻世界,男友忙了足足兩個幾月,為準備今次「放監」之旅,千語 BB未出發,先興奮,個幾月前已經揸晒主意, book定機票和自定行程。

唔講唔知,原來千語 BB大部分至親早年已移居澳洲,但拍拖以來,林峯都未有機會,到澳洲拜會女家的親戚,所以今次的悉尼之旅,二人並非住酒店,而是入住當地親戚屋企。

此外,千語 BB更放棄最愛的 shopping習慣,行程以戶外活動為主,非常突破。

接近三個月冇出埠拍拖,林峯同吳千語星期日出發飛悉尼,展開五日四夜探親旅程。

發現記者後,林峯刻意同千語 BB保持幾個身位距離,好避忌。

入閘時,林峯自動除口罩,冇化妝的千語 BB唔願殘樣曝光,一直頭耷耷。

滑浪天堂

「千語十幾歲嗰陣,佢爹哋就去咗澳洲做嘢,好多親戚亦移民咗去嗰邊。今次佢同男友去到澳洲,都係住親戚屋企。千語話由親戚屋企揸車,廿分鐘就去到 Bondi Beach,佢恨咗去呢個滑浪天堂好耐。」千語身邊人說。

週日,林峯同千語 BB搭夜機出發。二人戴住黑色情侶帽齊齊去到機場,林峯秒速發現記者,第一時間通知女友。

辦完登記手續後,二人各自拉住一個行李喼,前後腳入閘,過機場保安時,林峯自動自覺拉低口罩,素顏的千語 BB就 keep住耷低頭,急步入閘。

為咗三場演唱會,林峯日操夜操兩個幾月,體重暴跌廿磅,塊面 V到㓤死人。

馬天佑背着千語露械屙尿,千語 BB都唔介意,仲幫手把風。

日前,林峯被拍得一支公去數碼港公園放狗。

演唱會後,林峯重感冒入院睇急症,千語 BB全程傍實。

撰文、攝影、攝錄:娛樂組


鍾意就快D Share啦!