網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月19日 星期四

夏雨欽點 《同班》郭奕芯做女一 [壹週刊 - 1367] __,夏雨,郭奕芯,M1,

身材出眾加上只有廿一歲,是郭奕芯最大的賣點。娛樂偵訊夏雨欽點 《同班》郭奕芯做女一有電視劇唔拍,走去投資電影的夏雨,頭炮《夠殭清道夫》碌盡人情咭搵圈中好友埋位,電影上月煞科,夏記已埋定班開第二部戲《鬼網》。本週一,電影遠赴馬來西亞開鏡,片中除了一班平靚正的𡃁模,在《同班同學》中被王宗堯咬pat的郭奕芯,更被老細欽點擔正做女一。向𡃁模埋手上週三(五月十一日),《毛記電視萬千呃like賀台慶》中獲頒發 ...


身材出眾加上只有廿一歲,是郭奕芯最大的賣點。

娛樂偵訊

夏雨欽點 《同班》郭奕芯做女一

有電視劇唔拍,走去投資電影的夏雨,頭炮《夠殭清道夫》碌盡人情咭搵圈中好友埋位,電影上月煞科,夏記已埋定班開第二部戲《鬼網》。本週一,電影遠赴馬來西亞開鏡,片中除了一班平靚正的𡃁模,在《同班同學》中被王宗堯咬 pat的郭奕芯,更被老細欽點擔正做女一。

向𡃁模埋手

上週三(五月十一日),《毛記電視萬千呃 like賀台慶》中獲頒發「最 like男主角」的夏雨,在冇稿冇對白提供的情況下,連珠炮發寸大台;事隔幾日,他已經人在馬來西亞,為公司第二部電影《鬼網》開鏡及取景。

由於戲中角色設定全部廿歲出頭,這個年紀層的演員在本地選擇有限,加上考慮到資金問題,夏記同幕後團隊決定向一班𡃁模埋手。

「啱心水又有知名度嘅,大部分都入咗電視台拍嘢,見慣見熟冇乜新意,既然呢個 age group嘅選擇唔多,咪試吓搵啲𡃁模 casting囉。」一名幕後工作人員透露。

《鬼網》由三個單元串連組成,其中是重點故事的《好鄰居》,夏雨就睇中郭奕芯做女主角。在《同班同學》豁出去的大膽演出,郭奕芯令人刮目相看,但令夏雨更重視的,是對方待人接物的態度。

「真心咁講,我對啲𡃁模嘅認識真係唔多,亦有同事提出話呢個女仔有好多負面新聞,怕會好麻煩,但 casting嗰陣,佢表現一啲都唔差,要求佢去學嘢配合演出又 OK,佢嘅工作態度令大家改觀,所以一致拍板搵郭奕芯擔正。」夏雨說。

在《同班同學》中全裸,與王宗堯激戰連場的郭奕芯曾令觀眾留下深刻印象。

公司投資的創業作《夠殭清道夫》,上月已煞科。

Jeana唔肯露

另一個單元《二重身》,其中一個角色需要半裸演出,有指電影公司曾屬意 Jeana(何佩瑜),但近年她惜肉如金,對於半裸演出不停討價還價,但投資方卻不可能因一個人的要求,令劇本作出大改動,最後改由前港視演員蔣祖曼

頂上。

對於換角一事,電影公司未有正面回應,只強調這個單元是由許雅婷( Kabby)做女一。

「我睇過佢喺劉心悠套《小姐誘心》嘅演出,覺得佢唔錯,佢經驗唔多,但花多啲時間對稿同教戲,應該問題不大。」導演黃國輝說。

為配合演出,郭奕芯正式埋位前專登抽空學小結他。

慣以性感示人的 Jeana,被指為背面全裸而討價還價,最後電影公司決定換人。

Jeana的角色改由做咗人阿媽嘅蔣祖曼頂上。

張建聲搵紋身師傅學紋身,為演出新戲《鬼網》作準備。

電影在馬來西亞舉行開鏡儀式,有份演出的趙泳瑤(左)與曾淑雅(右)孖住夏雨誠心上香。

《少女標本》的 Coco袁紫僑(左一)、簡淑兒 Jessica(右二)及許雅婷 Kabby(右一)都有份演出夏雨新片。

撰文、攝影、攝錄:娛樂組


鍾意就快D Share啦!