網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月26日 星期四

同老公凍過水 陳煒賣身自保 [壹週刊 - 1368] __,陳煒,M1,

陳煒為新劇《幕後玩家》開工,日前拍攝一場被綁架戲。娛樂偵訊同老公凍過水 陳煒賣身自保08年嫁給台灣富商顏志行做少奶奶的陳煒,同老公長期分隔兩地,近年更屢傳兩公婆出現問題,但當事人卻一直採取既不承認,亦不否認態度。最近,更加盛傳陳煒老公搭上26歲的台灣歌手鄭雙雙。婚姻亮紅燈,陳煒繼續無動於衷,專心為新劇《幕後玩家》開工;更自動波同無綫加簽七年長約,唔緊個老公,只好緊自己份工。主動加監過檔無綫四年,見 ...


陳煒為新劇《幕後玩家》開工,日前拍攝一場被綁架戲。

娛樂偵訊

同老公凍過水 陳煒賣身自保

08年嫁給台灣富商顏志行做少奶奶的陳煒,同老公長期分隔兩地,近年更屢傳兩公婆出現問題,但當事人卻一直採取既不承認,亦不否認態度。

最近,更加盛傳陳煒老公搭上 26歲的台灣歌手鄭雙雙。婚姻亮紅燈,陳煒繼續無動於衷,專心為新劇《幕後玩家》開工;更自動波同無綫加簽七年長約,唔緊個老公,只好緊自己份工。

主動加監

過檔無綫四年,見花旦姐仔買少見少,陳煒盡地一鋪,加簽七年約。

主動配合有回報,成功搏到擔正機會,於出街中的《火線下的江湖大佬》,陳煒撼低岑麗香做女一,還一劇接一劇,拍完《爸 B有話兒》,又有份參演重頭劇《幕後玩家》,新任務更加打正自己牌頭,主持烹飪節目《陳煒的 100道風味》,被大台全面力捧。

《幕後玩家》由黃翠如擔正,陳煒要降格做女二,但抵得諗的煒哥照交足貨,更配合監製陳維冠要求,犧牲留了多年的長髮,一刀剪!

俾兩名綁匪夾住,陳煒七情上面,係咁嗌!

收工時,陳煒笑晒口同記者 say bye。

NG十幾次,陳煒冇黑面仲笑得出,態度一流!

陪吞蝦碌

日前,陳煒為新劇出外景,拍攝一場講述她被綁架的場口。現場所見,煒哥被兩名蒙頭綁匪,左右兩邊夾實推上車;被綁的煒哥嗌到聲嘶力竭又搏命掙扎,兩 take搞掂!

接住再拍一場飛車戲,講煒哥被夾上車後,綁匪揸車逃走。但現場負責飛車的車手,連番甩轆行錯路,足足 NG十幾次,陪食蝦碌的煒哥被迫遊車河粒幾鐘,冇投訴仲笑晒口,態度一流。

夫妻感情凍過水,主動加監的陳煒,努力做好自己。

陳煒同台灣富商顏志行結婚 8年,因為聚少離多,多次傳出婚姻亮紅燈。

最近陳煒老公被傳搭上台灣歌手鄭雙雙。

陳煒密會年約五十歲的中坑睇三級片被斷正,立即彈開兼黑面。

陳煒(左)在劇集《火線下的江湖大佬》,成功撼低香香做女一。

撰文、攝影、攝錄:娛樂組


鍾意就快D Share啦!