掃呢頁CODE去手機

2016年5月26日 星期四

放假箍牙 許亦妮掃貨示威 [壹週刊 - 1368] __,許亦妮,M1,

24萬8千勞力士娛樂偵訊放假箍牙 許亦妮掃貨示威2011年港姐季軍許亦妮去年續約獅子開大口,一度被大台放入雪櫃,其後雖獲解凍,但自恃有個富貴男友撐腰的她,卻不甘被降呢,在《潮流教主》做大茄,早前竟以箍牙做藉口,向公司請假半年,專心拍拖。放假做黐身膏藥,但許亦妮依然失手,男友公然在夜場食索女,話之你!有恃無恐27歲的許亦妮,年前撻着太陽娛樂老闆洗米華愛將盧啟邦,有機會撈過界,孭正男友公司投資的電影《 ...


24萬 8千勞力士

娛樂偵訊

放假箍牙 許亦妮掃貨示威

2011年港姐季軍許亦妮去年續約獅子開大口,一度被大台放入雪櫃,其後雖獲解凍,但自恃有個富貴男友撐腰的她,卻不甘被降呢,在《潮流教主》做大茄,早前竟以箍牙做藉口,向公司請假半年,專心拍拖。放假做黐身膏藥,但許亦妮依然失手,男友公然在夜場食索女,話之你!

有恃無恐

27歲的許亦妮,年前撻着太陽娛樂老闆洗米華愛將盧啟邦,有機會撈過界,孭正男友公司投資的電影《喜愛夜蒲 3》做女一,以為就此大把世界,跟無綫續約時大頭症發作,獅子開大口。

「 Witney(許亦妮)以為有戲拍就好巴閉,加上當時男友又錫佢,更加有恃無恐,傾續約講條件仲要拍晒枱發脾氣,跟住咪俾公司掟入雪櫃大半年。」知情者說。

之後大台特赦,安排她拍《潮流教主》,但許亦妮又唔多高興,拍完《潮》劇,便以箍牙為理由,向公司請假半年。

「佢喺《潮流教主》戲份唔多, Witney已經好唔 like,之後又冇劇開,佢知公司唔重用自己,咪索性放假囉!」

收起 35D,許亦妮著超短褲晒股邊,吸睛力一樣強。

Po箍牙請假相為證。

冇工開,許亦妮亦有司機接載出入,好富貴。

在超市買菜買肉,許亦妮近日似乎對煮嘢食好有興趣。

在《喜愛夜蒲 3》擔正,許亦妮被指搶衫成獨家村。

放假的日子,她飛泰國歎世界,兼大騷 35D胸器。

戴金勞掃貨

唔開工做跟得女友的許亦妮,日前孖住男友蒲夜店,點知男友老實不客氣,趁她行開,即攬啜一名索女,當場發現的許亦妮,即時發老脾,事後卻死撐肥仔是普通朋友。

雖然男友曳曳,但提供物質生活,功可補過。

有男友開水喉照顧,許亦妮唔使睇大台面色。

上週五(五月二十日)下午,箍牙停工的許亦妮著住超短牛仔褲,晒腳露股行圓方,手戴二十四萬八千金勞的她,先在眼鏡店試太陽眼鏡,半粒鐘掃走三副;之後再去超巿買菜買肉,返屋企玩煮飯仔。

校啱司機車到時間,才慢慢行去門口上車。

許亦妮在夜場零舍豪放,箍住肥仔男友又啜又錫。

大前年撻着有米盧啟邦,男友經常揸辣跑送她出入。

盧啟邦跟洗米華經常孖住出席公司飯局。

拍完《潮流教主》,許亦妮因箍牙請假半年,近日生活都是吃喝玩樂。

著住浴袍玩煮飯仔,許亦妮經常將在家的生活照放 ig同朋友分享。

撰文、攝影、攝錄:娛樂組


鍾意就快D Share啦!