網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月16日 星期一

【一日270萬瀏覽】拍住黎明賣咖啡 72歲劉江:幾得意嘅 __,黎明,

噚晚同今日都洗fb版嘅黎明x《毛記電視》嘅咖啡廣告,截至今日五點,在《100毛》fb己經有超過270萬瀏覽,超過16萬like。而呢個廣告中,除咗有真.黎明同「腦細」林日曦之外,另一個驚喜位係72歲嘅劉江突然出現扮小職員,絕對係另一亮點。佢仲要喺歌詞唱到「如劉江~」嘅時候fit晒咁出現,效果真係好爆笑。今日劉江回覆記者,佢好似完全唔知廣告已經出咗街,反問﹕「出咗街嘞?!(有超過270萬瀏覧喎?)係 ...




其他影片:>>






噚晚同今日都洗fb版嘅黎明x《毛記電視》嘅咖啡廣告,截至今日五點,在《100毛》fb己經有超過270萬瀏覽,超過16萬like。而呢個廣告中,除咗有真.黎明同「腦細」林日曦之外,另一個驚喜位係72歲嘅劉江突然出現扮小職員,絕對係另一亮點。佢仲要喺歌詞唱到「如劉江~」嘅時候fit晒咁出現,效果真係好爆笑。今日劉江回覆記者,佢好似完全唔知廣告已經出咗街,反問﹕「出咗街嘞?!(有超過270萬瀏覧喎?)係咩。(好多人話你嘅出現係一個驚喜....)係咩,哦,好呀,好呀。」問到點解會接呢個廣告,酬勞係咪好好?佢話﹕「一般啦。」劉江透露今次係第一次同黎明合作,阿明唱住「如劉江~」介紹佢出場,劉江笑話﹕「哈哈,睇你哋點睇囉,幾得意嘅,都OK。」劉江一向善演嚴肅爸爸角色,平時亦好少搞笑,佢話﹕「係(第一次跳舞?)好少嘢啫,少少動作,咁都好過畀人平時咁嚴肅感覺。」劉江都有開金口唱「層次比天更晴朗」,佢話﹕「都唔係好難唱。」有冇機會再鐵三角合作?佢話﹕「應該唔會嘞。」其實劉江佢都係網絡紅人,佢因為一張劇集截圖再加一句網民惡搞嘅「X!講呢啲」,搞到劉江喺網絡都好唔得閒,成日俾人派出嚟回應o架,劉江都知道自己呢張圖嘅存在,好彩今次回應記者唔係答:「X!講呢啲」啫。

X!講呢啲 如劉江~
出場~ 層次比天更晴朗~ 今次劉江少有搞笑

鍾意就快D Share啦!