網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月21日 星期六

【激多圖】48歲凍齡美女郭藹明唔識老? __,郭藹明,

嘩嘩嘩嘩…童年回憶返晒嚟!影帝劉青雲老婆、現年48歲嘅郭藹明(Amy)自從多年前息影後一直專心做少奶奶。久未露面嘅佢,今日出席護膚品牌活動時簡直驚為天人,個樣好似食咗防腐劑唔識得老咁,皮膚仲靚到好似識得發光咁,真係一啲都唔似48歲!人哋話每個成功嘅男人背後,總有個女人默默支持。屋企有個咁索嘅老婆,難怪青雲會咁畀心機搏殺事業,好似上年佢喺金像獎頒獎兩度獲封影帝時,就以「太空船」愛的宣言冧爆老婆:「「 ...


嘩嘩嘩嘩…童年回憶返晒嚟!

影帝劉青雲老婆、現年48歲嘅郭藹明(Amy)自從多年前息影後一直專心做少奶奶。久未露面嘅佢,今日出席護膚品牌活動時簡直驚為天人,個樣好似食咗防腐劑唔識得老咁,皮膚仲靚到好似識得發光咁,真係一啲都唔似48歲!

人哋話每個成功嘅男人背後,總有個女人默默支持。屋企有個咁索嘅老婆,難怪青雲會咁畀心機搏殺事業,好似上年佢喺金像獎頒獎兩度獲封影帝時,就以「太空船」愛的宣言冧爆老婆:「「每次當我揸住隻太空船,飛到宇宙唔知邊一度嘅時候,你總有辦法令我安全返番落地球!」

老公咁叻叻豬,其實老婆Amy嘅來頭亦一啲都唔嘢少。早年Amy喺美國南加州大學修讀機械工程學,1989年仲喺美國國家航空暨太空總署(NASA)兼職見習工程師。1991年,Amy以碩士生身份參選同年香港小姐競選攞到冠軍,同時贏得國際親善小姐及最佳談吐幽默獎,成為三料港姐!Amy當選後喺TVB發展,仲拍咗多套燴炙人口嘅電視劇,例如1992年同青雲嘅定情作《大時代》、1998年《天地豪情》、2001年《情事緝私檔案》、2006年《方德與苗翠花》等等,數吓數吓…大家啲回憶係咪即刻返晒嚟呢?


來源 source: http://hk.on.cc
鍾意就快D Share啦!