SONG FOR YOU，SONG FOR ME，還望信我心意未變...LEON～
各位，黎明今日下午就宣布會喺fb live直播佢今晚嘅4D騷，仲話時間係今晚十點或者十點零五分。而一眾買唔到飛嘅鐵粉，喺夜晚九點五十五分，已經開定黎明嘅官方臉書，狂撳F5，希望第一時間可以睇到黎明呢個破天荒嘅直播。
當大家係咁撳、撳到手指進入盲目狀態之際，黎明嘅臉書終於有新UPDATE喇。（而且好準時，真係搭正十點㗎）畫面顯示，黎明真係拎住手機自拍直播㗎，而佢講咗一大輪HELLO之後，就影住現場嘅觀眾，而現場嘅歡呼同尖叫聲可以話係不絕於耳。
之後黎明話：「HONG KONG WELCOME YOU」，然後叫全場一齊大叫「HONG KONG WELCOME YOU」，之後黎明分別要求唔同區別嘅歌迷，用廣東話同普通話講「香港歡迎你。」之後黎明就話要唱番首《夜夜夢中見》：「希望大家都開心，嚟唔到呢個騷嘅朋友唔緊要，我哋成班朋友同你哋一齊。」黎明然後就一邊拎住部手機，一邊唱出呢首歌，而現場嘅粉絲就係咁揮動螢光棒，氣氛真係好到極。
可惜快樂嘅時光總係過得特別快，個直播只係進行咗四分鐘，就已經完咗，唔知電腦面前嘅朋友，係咪覺得超唔夠喉呢？
來源 source: http://hk.on.cc
|
鍾意就快D Share啦！
|
|
|