掃呢頁CODE去手機

2016年5月13日 星期五

胡鴻鈞《殭》自殺 網民嗌棄劇 __,《殭》,胡鴻鈞,

胡鴻鈞所飾演嘅龐杰喺《殭》劇中自殺,令到有網民話想棄劇!無綫劇集《殭》即將迎嚟大結局,劇情亦愈嚟愈緊湊,當中除咗鄭嘉穎、陳凱琳同謝安琪嘅三角戀夠吸睛之外,歌手胡鴻鈞所飾演嘅龐杰亦吸引唔少觀眾眼球,劇中,飾演胡鴻鈞爸爸嘅關禮傑(角色龐應天),因為想醫好龐杰嘅病而不斷殺人,而胡鴻鈞為咗阻止爸爸殺人,最後就決定自殺,令自己死喺爸爸嘅劍下。網民心痛胡鴻鈞對於自己所飾演嘅龐杰有所感觸,上載咗同關禮傑嘅合照, ...


胡鴻鈞所飾演嘅龐杰喺《殭》劇中自殺,令到有網民話想棄劇!

無綫劇集《殭》即將迎嚟大結局,劇情亦愈嚟愈緊湊,當中除咗鄭嘉穎、陳凱琳同謝安琪嘅三角戀夠吸睛之外,歌手胡鴻鈞所飾演嘅龐杰亦吸引唔少觀眾眼球,劇中,飾演胡鴻鈞爸爸嘅關禮傑(角色龐應天),因為想醫好龐杰嘅病而不斷殺人,而胡鴻鈞為咗阻止爸爸殺人,最後就決定自殺,令自己死喺爸爸嘅劍下。

網民心痛

胡鴻鈞對於自己所飾演嘅龐杰有所感觸,上載咗同關禮傑嘅合照,留言:「有時候 ,人與人之間的隔膜,不是因為遙遠的距離,而是因為溝通的不足,親情是,友情是,愛情是..」並謂只要大家能夠踏前一步嘅話,再深厚嘅隔膜都可以打破。網民對於胡鴻鈞喺劇中嘅決定表示心痛,更有網民話龐杰死咗令到佢想棄劇,又有網民話龐杰好傻及睇到喊晒,而最搞笑就係,竟然有人留言話:「好彩你死咗都仲有片尾曲。」睇嚟呢位粉絲真係好唔捨得胡鴻鈞

胡鴻鈞之後亦再上載一張自己拎住龐杰名牌嘅相,留言多謝《殭》劇監製、工作人員及每位愛龐杰嘅粉絲們!


來源 source: http://hk.on.cc
鍾意就快D Share啦!