掃呢頁CODE去手機

2016年5月14日 星期六

岑潔儀全埋身餵人奶 茶客歧視:好心入廁所啦! __,岑潔儀,潔儀,

「今早,我在公廁內吃了一個超棒的煎蛋三明治......甚麼!你覺得我有病?為什麼在廁所吃?令你很反胃嗎?那麼,為什麼大家可以提議母親在廁所內親餵母乳呢?為了支持父母和寶寶權利和世界各地所有母乳親餵的媽媽!#支持哺乳正常化請把這篇分享到你的臉書吧!」相信呢個fbpost,你應該不感陌生吧。上月有網民發起like&share,hashtag係:‎支持哺乳正常化‬是的,你一定唔會喺公廁食飯?香港,當然唔 ...




其他影片:>>






「今早,我在公廁內吃了一個超棒的煎蛋三明治......

甚麼!你覺得我有病?

為什麼在廁所吃?令你很反胃嗎?

那麼,為什麼大家可以提議母親在廁所內親餵母乳呢?

為了支持父母和寶寶權利和世界各地所有母乳親餵的媽媽!

#支持哺乳正常化

請把這篇分享到你的臉書吧!」相信呢個fb post,你應該不感陌生吧。上月有網民發起like & share,hashtag係:‎支持哺乳正常化‬是的,你一定唔會喺公廁食飯?香港,當然唔止官恩娜一個,餵人奶受到歧視,有好多餵奶嘅媽媽,都有冤無路訴,岑潔儀(Zoey)喺呢一年15個月,都遇過唔少歧視,公眾場合試過,高級酒店都試過!嗰一刻,真係叫天不應叫地不聞,無人會理佢感受。Zoey接受《蘋果》專訪,大爆湊B慘況:「我係全埋身,所以係隨時隨地都要餵奶,肚餓就要餵,試過搭地鐵餵,搭巴士餵,搭van仔餵,茶餐廳、快餐店餵,高級酒店,飲茶餵喇!基本上所有地方都有餵過,當中當然係有啲唔愉快嘅經歷喇!「有啲年長啲嘅人,佢會以為你做咩呢?用好奇怪嘅眼神來望住你,咁我試過一次好深刻就係,飲緊茶,因為啲枱好近,我喺兩夫妻張枱隔籬餵緊奶,佢哋見到我餵緊奶,已經覺得好奇怪,feel到佢唔妥,我都無理,臨走喺我身邊行過『咁核突0架!好心你入廁所喇!』咁就走咗喇!」Zoey指當下想反擊,但對方已然遠去。當時佢覺得好嬲:「係打從心底好嬲,點解你喺度飲茶,我個仔唔可以喺度飲奶呀!同埋我係圍住啲巾,根本你咩都睇唔到,係咁望住我。你可以選擇唔望,點解你望住我話我核突,話BB飲奶係核突嘅嘢。呢件係一件好美麗嘅事,講到咁污糟呢?「呢一次之後,其實好多時我會喺網上發聲,我見到有啲母乳媽媽留post,因為我身同感受,所以我會即刻留言支持,因為餵哺母乳係好需要支持,係好辛苦,好大壓力,你擔心好多嘢喇!仲要理點樣睇你,理人哋接唔接受,我覺得係錯咗囉!因為上天賜予女性嘅胸脯,就係餵哺母乳,唔係俾人睇,係為咗自己小朋友,咁所以我係為咗上天俾我嘅嘢,送俾我小朋友,咁係好正常不過嘅事。」

岑潔儀呢個問題問得好:「點解你喺度飲茶,我個仔唔可以喺度飲奶呀?」(攝影:陳慧安) 囝囝15個月,生得都幾高大。 岑潔儀最近出書分享育兒心得。
囝囝都好黐媽咪

鍾意就快D Share啦!