掃呢頁CODE去手機

2016年5月23日 星期一

【「錢」途無限】人仔細細入行做童星 __,

做童星真係前途同「錢」途都係無限㗎!仲可以母子、父子檔吸金𠻹!人仔細細表演欲旺盛,加入娛圈做童星,隨時會嚇你一跳!講緊係無論吸金力同人氣,都一定唔會遜色過一線藝人,前途認真係無可限量!6個月大徐心怡徐榮愛女徐心怡(包包)現年6個月大,喺劇集《愛·回家》憑一對大眼晴同可愛包包面,成功俘虜全港市民嘅心!連「馬家」上上下下都要爭住抱佢影相放上網「呃Like」!而佢拍劇係有巨星級待遇,就係每星期唔超過三個 ...


做童星真係前途同「錢」途都係無限㗎!仲可以母子、父子檔吸金𠻹!

人仔細細表演欲旺盛,加入娛圈做童星,隨時會嚇你一跳!講緊係無論吸金力同人氣,都一定唔會遜色過一線藝人,前途認真係無可限量!

6個月大徐心怡

徐榮愛女徐心怡(包包)現年6個月大,喺劇集《愛·回家》憑一對大眼晴同可愛包包面,成功俘虜全港市民嘅心!連「馬家」上上下下都要爭住抱佢影相放上網「呃Like」!而佢拍劇係有巨星級待遇,就係每星期唔超過三個鐘喇!雖然《愛》播完,包包就做番個天真BB,不過早前佢都孖住爸爸「父女檔」上陣拍嬰兒用品廣告,人氣絕不減少!

1歲梁子柔

鄭希怡女兒梁子柔(梁浸浸),憑住一頭天生曲髮加大眼仔,成為網絡紅B,而蔡卓妍同鍾欣潼都係梁浸浸契媽,每個藝人見到梁浸浸都會忍唔住同佢自拍再放上網,連何家千金何超蓮都係佢粉絲!而早前梁浸浸同鄭希怡齊齊拍廣告,鏡頭前後表情都好搞笑,瞬間萌爆全場!

4歲劉琛、6歲劉昇

陳慧琳去年舉行演唱會,最驚喜就係帶埋兩個仔仔「蝦餃仔」劉昇同「小龍包」劉琛喺台上獻唱《星夢情賀》,三母子齊齊唱歌,而蝦餃仔仲同大家講「Happy New Year」,小龍包則大講BB話,令陳慧琳喺台上冇晒符!

5歲胡梓盈

「新美心妹妹」胡梓盈因拍美心廣告而人氣急升,不時出席各大活動表演及拍攝廣告,不過未有參與劇集同電影演出。

7歲楊鎧凝

同係「美心妹妹」楊鎧凝(Celine)亦係因拍美心廣告人氣爆燈,成為多個廣告商搶手貨,前年仲憑劇集《愛我請留言》深得網友歡心,不過去年Celine推出寫真集後鬧出不少風波!而事件過後,Celine都有出演活動,繼續賣萌!

7歲林霏兒

林盛斌(Bob)吸金力強勁就係人都知,最近仲父女檔上陣「幫補家計」!家有三位千金嘅佢,早前就同大女林霏兒(霏霏)做按摩椅品牌代言人,Bob仲大讚霏霏有天后風範,每次都緊張拍成點,如果拍得唔好仲要求重拍,表現好專業!

7歲Feynman

吳鎮宇仔仔Feynman前年接拍內地綜藝節目《爸爸去哪兒2》人氣急升,仲不時孖住老竇出席內地活動搵真銀,享受親子時間又可以搵錢,果然一舉兩得!

8歲張瞻

謝安琪同張繼聰嘅仔仔張瞻盡得父母真傳,鏡頭面前毫不怕醜,去年仲擔任模特兒行騷,表現淡定兼大擺甫士,喺完場前即興打個空翻搶鏡!今年4月喺媽咪演唱會上又化身Dancer打筋斗,仲唔係註定食呢行飯?

8歲謝振軒

貴為謝霆鋒同張栢芝嘅大仔謝振軒(Lucas),人仔細細已經甚有爸爸嘅影子!而早喺2011年,Lucas就同栢芝母子上陣拍攝電影《無價之寶》,雖然只係客串性質,不過就成為電影焦點,表現仲好有未來影帝風範!

11歲鍾懿

鍾鎮濤二女鍾懿自小就好有表演欲,不時上台唱歌表演!鍾懿除咗想去英國讀音樂之外,早前仲自爆恨入娛圈做歌手,仲揚言話想16歲開個人演唱會,似乎將會有多一個星二代攻入樂壇喇!


來源 source: http://hk.on.cc
鍾意就快D Share啦!