網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月20日 星期五

【張德江「佔港」】大佬孝扯火轟港府擦錯鞋:成個香港蒙羞 __,大佬孝,邵仲衡,

全國人大委員長張德江訪港3日,所到之處保安嚴密,尤其係灣仔,更加畀警方列為核心保安區,周圍都見到20呎水馬,人車嚴禁闖入,搞到附近食店老闆怨聲載道,話生意額大減一半。今朝早,張人大委員大軍殺入將軍澳,探訪安老服務中心,之後再到秀茂坪安達邨視察,佢嘅車隊去到邊封到邊,繁忙時間嗰陣,搞到東廊同觀塘交通嚴重擠塞,返9點嘅打工仔,若果今朝唔係揀搭港鐵,就真係有冤無路訴!前兩日張德江灣仔出巡搞到交通立立亂已 ...


全國人大委員長張德江訪港3日,所到之處保安嚴密,尤其係灣仔,更加畀警方列為核心保安區,周圍都見到20呎水馬,人車嚴禁闖入,搞到附近食店老闆怨聲載道,話生意額大減一半。今朝早,張人大委員大軍殺入將軍澳,探訪安老服務中心,之後再到秀茂坪安達邨視察,佢嘅車隊去到邊封到邊,繁忙時間嗰陣,搞到東廊同觀塘交通嚴重擠塞,返9點嘅打工仔,若果今朝唔係揀搭港鐵,就真係有冤無路訴!前兩日張德江灣仔出巡搞到交通立立亂已經被指「佔領灣仔」,然後又喺科學園逆線行車,今日再次「佔領觀塘」,真係好大嘅官威。又咁講啦,京官訪港,警方要反恐無可厚非,不過阻人搵食、搞到雞犬不靈,就真係好事變壞事。呢幾日,日日喺facebook不斷update呢單新聞嘅邵仲衡,喺張德江訪港第一日,就喺facebook貼咗張新聞相,留言話:「如臨大敵搵個籠困住佢囉不如,懷著心虛接待人,可憐!另一邊,懷著矛盾去”視察”,冇嘢睇到。「9之孖6 真係該煨,為兒為女,自己執贏,睇吓班叫你「融合」嘅契弟送哂自己屋企細路去邊,看著辦!」見留言如見火,係火都嚟嗰種!記者今日打電話畀邵仲衡,佢語氣仲係火火哋咁話:「主要係佢訪港第一日,我太太喺港灣道返工,路封咗,連車位都封埋,搞到要鷹君中心泊day park,唔係錢嘅問題,係擾民嘅問題。其實可能個訪者冇所謂,連內地依家都話嚴禁做啲擾民嘅措施,唔明香港驚啲乜,不過最終拍板嗰個,心胸狹窄又冇遠見,擦錯鞋加上領導無方,勞師動眾去做嘢畀大陸睇,畀國際傳媒見到,成個香港都蒙羞,我身為香港人都蒙羞。我幾十歲人,講呢啲嘢唔怕!」邵仲衡話自己愛國愛港,但經過呢幾日後,有諗過同太太離開香港:「我好鍾意以前嘅香港,我係香港人,即係我姓邵,唔係姓陳,姓王。但過咗呢幾日,同太太商量完,會考慮移民去第二度生活。」

張德江就終於走人...梁振英就....(資料圖片) 之前張人大委員嘅車隊仲喺科學園逆線行車,真係香港我玩晒! (資料圖片) 邵仲衡連日嚟都喺fb炮轟港府對張德江訪港嘅行動

鍾意就快D Share啦!