掃呢頁CODE去手機

2016年5月23日 星期一

賺一億仲未夠 梁思浩內地打造糖水王國 __,梁思浩,思浩,

賺一億仲未夠梁思浩內地打造糖水王國18,832views│2016年05月22日洗米華真係勁,講緊嘅唔係太陽娛樂老闆洗米華,而係N年前飾演「洗米華」嘅梁思浩老闆呀,佢賣糖水賺咗成億,而家仲要喺內地打造糖水王國!食腦呢家嘢,梁思浩堅勁!佢之前喺曹眾嘅拉攏下,同內地飲食女王王慧敏合作,仲以一億出售自己投資咗十二年嘅「聰嫂私房甜品」內地經營權,之後又再同王慧敏合資喺內地開380間分店,賺完又賺!呢晚十一 ...






  • 其他影片:>>






  • 賺一億仲未夠 梁思浩內地打造糖水王國
  • 18,832 views│2016年05月22日
  • 洗米華真係勁,講緊嘅唔係太陽娛樂老闆洗米華,而係N年前飾演「洗米華」嘅梁思浩老闆呀,佢賣糖水賺咗成億,而家仲要喺內地打造糖水王國!

    食腦呢家嘢,梁思浩堅勁!佢之前喺曹眾嘅拉攏下,同內地飲食女王王慧敏合作,仲以一億出售自己投資咗十二年嘅「聰嫂私房甜品」內地經營權,之後又再同王慧敏合資喺內地開380間分店,賺完又賺!

    呢晚十一點幾,喺香格里拉酒店門外見到梁思浩出現,原來有私會:「因為發展緊中國大陸嘅甜品業,其實24小時都要開會、開會、開會。」

    聽聞梁老闆會開380間分店,咁又會喺邊度開先呢?「下個月19號開上海嘅甜品舖,跟住開北京同天津。幾多間唔講喇,總之會陸陸續續開,多謝大家繼續喜歡我嘅甜品舖。」

    除咗糖水之外,原來梁老闆仲有其他計劃。「暫時唔公佈得,(喺內地發展?)會喺香港,因為我係香港人,會支持香港嘅小商戶,都會喺香港做先。」

    旁述:Wendy@USTAR

    鍾意就快D Share啦!