黃翠如呢個諗法就唔啱喇，「兩公婆」嘅嘢，邊有咁計㗎，小心蕭正楠嬲豬呀！
無綫藝員黃翠如晚上在九龍灣E-Max出席myTV SUPER網絡電影《愛情來的時候2》優先場。
爆男友遊韓暴肥
黃翠如剛與男友蕭正楠從韓國旅行返港，原本此行打算購物買衫，可惜卻未有成功找到心水，她笑說：「去咗好多地方，好似東大門都買唔到嘢，原本諗住買衫，所以只係帶咗一、兩套衫，買唔到惟有洗衫。（有冇幫蕭正楠洗底褲﹖）唔得，見到都唔得，我哋好衞生，自己洗自己啲衫。」購物不成惟有狂吃美食，翠如笑謂蕭正楠肥了很多回港要減磅，她又透露稍後要到北歐拍攝旅遊節目半個月。
暗示自己烏歪
黃翠如又指與周柏豪、黃浩然到台灣拍攝《愛情來的時候2 台灣》時，原本以為可以日日吃美食，豈料卻忙到全程吃飯盒，更每日拍攝二十小時，不過她表示仍拍得很開心，因為大家都很投入。講到《愛情來的時候2》是myTV SUPER首個自家製的掛帥節目，翠如說：「所有睇過都話好睇，感動，自己有信心，一套好新鮮嘅作品，裏面好烏歪，一半似我。」
自認偏財黑仔
講到有「翠如BB股」之稱、黃翠如父親黃永華任大股東兼行政總裁的建築股聯旺（08217）近期波幅很大，更一度跌逾四成，對此她說：「唔知，我完全冇留意，屋企人話題亦都冇講，我連股票幾多號都唔知，冇乜所謂。（你冇買？）完全冇，屋企人都冇，所以嗰種冇意義法係真係好冇意義。（意指隻股票對佢哋嚟講冇意義）（之前升咁多冇買咪唔抵？）唔會，我唔識呢啲嘢，我買就實跌，我偏財方面好黑仔，所以要畀心機做嘢。（爸爸有冇唔開心﹖）冇影響，佢都係做番做開嘅嘢。」
來源 source: http://hk.on.cc
|
鍾意就快D Share啦！
|
|
|
