網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月9日 星期一

【結婚FB live足8次】53歲鄭敬基仲大過外母 仔女講感言喊爆 __,鄭敬基,

53歲嘅鄭敬基噚日再做老襯,迎娶細佢19年嘅圈外女友Angie。佢哋噚日下晝行完婚禮之後,夜晚喺大潭陽明山莊擺喜酒,筵開9席,除咗伴郎錢嘉樂同太太湯盈盈之外,到場飲喜酒嘅重有當年同鄭敬基合唱熱爆K歌《酒杯敲鋼琴》嘅黃寶欣、姚嘉妮、李逸朗、李健達同伍允龍等等。鄭敬基婚宴噚日全程喺facebook玩直播,除咗簽紙呀,婚宴呀,連之前兄弟準備都直播埋,「報道」真係相當詳盡,足足live咗8次,當中除咗有唔 ...




其他影片:>>






53歲嘅鄭敬基噚日再做老襯,迎娶細佢19年嘅圈外女友Angie。佢哋噚日下晝行完婚禮之後,夜晚喺大潭陽明山莊擺喜酒,筵開9席,除咗伴郎錢嘉樂同太太湯盈盈之外,到場飲喜酒嘅重有當年同鄭敬基合唱熱爆K歌《酒杯敲鋼琴》嘅黃寶欣、姚嘉妮、李逸朗、李健達同伍允龍等等。鄭敬基婚宴噚日全程喺facebook玩直播,除咗簽紙呀,婚宴呀,連之前兄弟準備都直播埋,「報道」真係相當詳盡,足足live咗8次,當中除咗有唔少感人嘅溫馨場面之外,重有樣嘢好多賓客都想知,但冇人敢問嘅問題,就係究竟鄭敬基年紀大啲定係佢外母年紀年大啲?呢個問題最終由佢老友錢嘉樂上台發問。當一對新人趁母親節前夕送禮物比兩位媽咪嘅時候,錢嘉樂突然走上台話:「我知呢個朋友今日好開心,呢20年嚟我見證咗佢一啲嘢啦,我唔講啦,我細過佢,唔好似六點半新聞咁詳盡,今日母親節,應該歌頌吓非常好嘅母親。」講完呢樣嘢之後,嘉樂就嚟料問:「究竟你外母大定你大?」全場人仕起哄,結果鄭敬基就好大方咁話:「我大啲。」講到個婚宴感人場面,就係鄭敬基同前妻所生嘅一對仔女發言,亦即係25歲嘅囝囝家揚同21歲囡囡依揚(Natalie)。婚禮司儀宣佈鄭敬基大仔揚揚出年8月20號大婚,亦即係鄭敬基做完老襯之後,出年做老爺。跟住司儀問揚揚:「你老豆有冇迫你延遲wedding?」揚揚就笑住話:「唔係嘅,冇迫我。」再問:「當你老豆話你知識咗個女仔叫Angie,第一個反應點?」揚揚:「cool,ok,alright,好呀。第一件事覺得冇乜感覺。」司儀再問:「跟住你老豆同你講:『我要結婚。』有乜反應?」揚揚就話:「我第一個反應係咁,佢係一齊咁話比我聽,我話oh!幾時發生㗎呢件事?but我好開心囉!」當司儀問佢:「今日爸爸結婚有乜想講?」喺外國長大中文相當麻麻嘅揚揚就話:「我要開咗個phone先,中文唔係幾好,所以唔會好似爸爸咁長氣,under一分鐘。爸爸我戥你同Angie好開心,因為你哋兩個都搵到大家都係愛神愛耶穌,愛大家啲人,多過你愛自己.....唔好喊,唔准喊,唔望住你(哽咽)你哋....l can do this....(有人遞紙巾)你哋兩個都唔perfect,你哋都唔會perfect,呢度冇人會perfect,但我覺得你哋唔perfect都繼續包容大家嘅唔perfect,我覺得你哋咁做(飲酒壯膽),唔perfect都繼續相愛,用你哋啲愛嚟感染隔離啲人,大家都喺度support你,因為你係感染到大家,如果唔係都冇人嚟啦。可能好多人覺得我係乖仔嚟,啲人覺得我support你,但其實係你support咗我25年,我真戥你同Angie開心。」個仔講到喊,而鄭敬基亦感動到落淚,之後就走上前攬住個仔,場面好感人。輪到個索爆囡囡Natalie講嘢,佢中文重差過哥哥,佢話:「我啲中文好屎,唔係好多嘢講,哥哥已經講晒,我成日喺加拿大都會好關心爸爸,冇一個老婆陪佢會點呢,冇人陪佢,而家有Angie,真係好開心,你成日同我行隔離(其實係話成日陪住我),成日陪住我,我今日就好開心可以行你隔離,Angie我真係好多謝你,你咁愛鍚爸爸,佢咁怪,我唔知邊度搵到你,你又冇乜所謂,爸爸我為你好開心,祝福你兩個!」講完之後鄭敬基眼濕濕走上前攬住囡囡,話:「首先我好多謝我個女,隔咗一日之後我哋會去蜜月旅行,我個女好有性格,佢訂咗去台灣東京,因為幫爸爸慳錢(哽咽),佢話不如join我哋吖(喊),Angie話不如我哋join佢哋啦,咁唔駛佢咁孤單,我個女好有性格㗎嘛,又咁靚,總之嚟緊我哋蜜月係9號,3個人.....我最重要嗰兩個女人就喺度啦。」在場有人問佢自己媽咪唔重要咩?鄭敬基即刻澄清:「我阿媽唔係唔重要,你唔好玩嘢呀!」之後鄭敬基同囡囡以及老婆3個人攬住,又同埋囝囝4個人一齊合照,場面真係好溫馨。噚晚婚宴上,一對新人不時嘴嘴晒恩愛,而鄭敬基重邀請老友黃寶欣上台合唱《酒杯敲鋼琴》,全場歡呼。寶欣好感觸咁話一直好擔心佢,年過半百重一個人,所以好多謝Angie,寶欣話:「恭喜你,下半生有人陪啦。」講講吓仲喊咗出嚟添!

呢條live仲足足有成51分鐘場,勁過電視台呀,電視台都有廣告時間丫 Angie細鄭敬基19年 (鄭敬基fb圖片)
(鄭敬基短片截圖) (鄭敬基短片截圖) (鄭敬基短片截圖)
(鄭敬基短片截圖) Angie媽媽,佢仲細過女婿 (鄭敬基短片截圖) (鄭敬基短片截圖)

鍾意就快D Share啦!