網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年5月24日 星期二

iPhone:防踢爆 用5招無痕互Flirt __,iPhone,

防踢爆 用5招無痕互Flirt俗語有云:「偷吃唔緊要,最緊要識抹嘴」,偷食男女互Flirt過足癮嘅同時,最重要都係要成功瞞天過海,以免正印踢爆引發一場腥風血雨。今次就教大家5招,讓大家手機聊天、上網都不留痕迹。限時聊天無記錄雖然《WhatsApp》、《WeChat》普及,不過與「朋友」聊天後,需要手動刪除記錄,實在麻煩(編按:偷吃都嫌麻煩,小記你真係...唉)。建議改用《SnapChat》及《Li ...


防踢爆 用5招無痕互Flirt

俗語有云:「偷吃唔緊要,最緊要識抹嘴」,偷食男女互Flirt過足癮嘅同時,最重要都係要成功瞞天過海,以免正印踢爆引發一場腥風血雨。今次就教大家5招,讓大家手機聊天、上網都不留痕迹。

限時聊天無記錄

雖然《WhatsApp》、《WeChat》普及,不過與「朋友」聊天後,需要手動刪除記錄,實在麻煩(編按:偷吃都嫌麻煩,小記你真係...唉)。建議改用《SnapChat》及《Line》,前者被譽為偷情神Apps,皆因對方一看完聊天內容之後,記錄就會被自動刪除。而《LINE》亦有類近功能,可以設定為「Hidden Chat」,2秒至1星期時限內將聊天內容全部清除,說了甚麼都神不知鬼不覺。

上網不留痕

瀏覽器為方便用家,經常都會將搜尋記錄留底,反而有可能成為「罪證」!從今日起,無論手機抑或電腦上網,都要改用「無痕模式」。設定方法簡單,就以《Chrome》為例,電腦版就只需按下右上方的橫線圖案,再選擇「新增無痕式視窗」即可。手機就點選右上角的三點圖案,點選「New Incognito tab」。當用家關閉無痕分頁時,就會連同上網記錄、Cookie、搜尋記錄一併消失。

隱藏相片唔使刪

見面少不免Selfie,直接刪除又不捨得,放上雲端空間好像更危險!不如試用Hidden Album、隱藏相簿功能的App,就如《Secret》,下載後不會顯示App圖示,要打開「隱密」介面,就需要先在撥號介面輸入「1111」,再輸入自設密碼方可。用家可以將相片拉至內裏的隱藏資料夾,亦可以建立文字記事,一般情況下任何人都看不到。

來電黑名單

有其他異性來電,接聽又不方便,不接聽又可能惹起另一半疑心。所以一定要事先將「朋友」電話號碼加入「黑名單」。就以Samsung Galaxy S7 edge為例,可以將指定聯絡人加入「封鎖清單」,對方致電時就直接掛斷,手機畫面亦不會有任何動靜,但事後通話記錄就會看到對方的資料,事後先再回撥慢慢傾

隱藏App電話乾淨晒

《Skout》、《Tider》……一大堆交友Apps,係人都估到你有古怪!為免另一半生疑,當然要將以上Apps統統隱藏起來。Android部分品牌就內置隱藏Apps圖示功能,若然沒有上述功能,亦可以下載其他Launcher介面。而iPhone的話就要靠秘技,首先長按要隱藏的圖示,再拉至另一個App以開啟資料夾,隨便為資料夾命名之後,再將其中一隻App拖拉至資料夾另一頁,不鬆手的同時再按一下Home鍵,App就會隱藏,但重新開機就會重新出現。


來源 source: http://hk.on.cc
鍾意就快D Share啦!