掃呢頁CODE去手機

2016年5月19日 星期四

男內女外 朱茵搵錢阿 Paul湊女 [壹週刊 - 1367] __,Paul,阿 Paul,朱茵,黃貫中,M1,

朱茵同阿Paul由拍拖至結婚已經長達十九年,但兩人依然恩愛,出街時仍然手拖手。娛樂偵訊男內女外 朱茵搵錢阿Paul湊女12年誕下愛女黃鶯後,朱茵一度大幅減產,家庭收入,要靠老公阿Paul黃貫中外,便要食老本,直至去年拍住林青霞、蔡少芬等做內地真人騷《偶像來了》,令人氣再度反彈,廣告商演活動隨即接到冇停手,短短一年時間,已有超過三千萬落袋。老婆吸金力強,湊女的重任,就落在阿Paul身上。難得唔使返大 ...


朱茵同阿 Paul由拍拖至結婚已經長達十九年,但兩人依然恩愛,出街時仍然手拖手。

娛樂偵訊

男內女外 朱茵搵錢阿 Paul湊女

12年誕下愛女黃鶯後,朱茵一度大幅減產,家庭收入,要靠老公阿 Paul黃貫中外,便要食老本,直至去年拍住林青霞、蔡少芬等做內地真人騷《偶像來了》,令人氣再度反彈,廣告商演活動隨即接到冇停手,短短一年時間,已有超過三千萬落袋。

老婆吸金力強,湊女的重任,就落在阿 Paul身上。難得唔使返大陸,朱茵爭取時間,同老公一齊湊女家庭樂,「性感女神」更加不顧身世,幫阿女挽鞋。

復出真人騷好反應

女兒黃鶯今年十月滿四歲,之前朱茵因為湊女減產,搵錢養家的重任,由老公孭起,不過,阿 Paul性格行先,揀騷接之外,去年十月的內地巡唱又突然被取消,加上 Beyond合體傾極唔成,收入始終好有限。

勢色唔對,去年朱茵見囡囡都開始大,加上睇錢份上,決定分身復出,接拍內地真人騷《偶像來了》,同林青霞和老死蔡少芬等,四個月內分別去了多個不同地方進行拍攝工作。

「阿茵原本諗住拍完《偶像來了》,搵一筆錢慢慢就繼續湊女,點知個節目好好反應,《西遊記》嘅紫霞仙子人氣又返晒嚟,之後好多 job係咁搵上門,而且啲價錢仲好好,所以阿茵都順其自然,有就做。」朱茵身邊人說。

一去到公園,黃鶯就急住要去玩,唔等爸爸媽媽泊好車,就先同工人姐姐去玩。

堂堂一個「性感女神」的朱茵,為了愛女放低女神形象,幫囡囡挽鞋。

朱茵唔使開工,一家三口難得去公園玩,朱茵負責幫囡囡 fing韆鞦,阿 Paul就不停影相。

就快四歲的黃鶯,遺傳咗朱茵嘅活潑精靈,而且愛笑,十分可愛。

追唔到數要妥協

朱茵要無間斷地北上搵錢,照顧囡囡的責任,就要阿 Paul代勞。據了解,阿 Paul其實亦唔情願讓老婆穿州過省咁辛苦,奈何近年演出量大減,就算自己肯接夜場酒吧騷,但騷價始終唔高,比起朱茵出一個商演活動,閒閒哋收八十萬,阿 Paul跑到氣咳,都不及老婆,最終惟有妥協,接受男主內女主外做法。

上個月阿 Paul在九展舉行了一場演唱會,朱茵首次帶埋黃鶯去睇爸爸演出。

獨愛打韆鞦

日前,難得唔使返內地開工的朱茵爭取時間陪囡囡,一家三口加埋外傭姐姐去九龍城寨公園玩。

一到埗,黃鶯已一副急不及待的樣子,外傭姐姐先抱她落車,阿 Paul同朱茵一齊去泊車,之後手拖手入公園搵女。

快四歲的黃鶯只愛玩打韆鞦,公園不同款的韆鞦逐一試勻,阿 Paul亦不忘做攝影師,幫囡囡影寫真,其間黃鶯玩到除晒鞋,朱茵見狀,自己落手幫囡囡挽鞋,唔使外傭姐姐分心幫手。

上年朱茵復出拍大陸真人騷《偶像來了》,同林青霞及蔡少芬去了多個唔同地方拍攝,節目播出後朱茵人氣急升。

在剛過去的母親節,朱茵同女兒去了行沙灘,阿 Paul幫她們兩母女影低這個溫馨時刻。

北上掘金

去年,朱茵因為一個大陸真人騷節目,人氣再度爆升,廣告商演節目,賺到盤滿鉢滿,吸金力極強。

2015-16收入

內地綜藝節目

《女神新裝》( 4集)  480萬

《偶像來了》( 13集)  650萬

《為她而戰》  120萬

代言品牌

手機遊戲「大聖歸來」  600萬

「合生元」奶粉  800萬

商演活動× 15  1,200萬

年賺約 3,850萬

《女神新裝》

手機遊戲「大聖歸來」

撰文、攝影、攝錄:娛樂組


鍾意就快D Share啦!