掃呢頁CODE去手機

2016年6月14日 星期二

征選遊1:100蚊韓國影證件相 5分鐘搞掂快靚正 __,

韓國人普遍十分喜歡影相,平時都會約朋友去影樓玩吓,影證件相更係重視萬分。成日都聽人講去韓國必定要影證件相,但究竟係咪真係咁無敵,係人去親都滿意?記者這次親身去到韓國首爾的年青人集中地梨大,隨意找一間不用預約的中低價普通影樓,睇睇是咪真係咁堅!基本上,韓國人普遍都十分喜歡影相,而對於影證件相這回事,他們都是認真又重視。要在首爾找影樓並不困難,尤其在大學生區,例如梨大、弘大等一帶,影樓四處都有。影證件 ...


韓國人普遍十分喜歡影相,平時都會約朋友去影樓玩吓,影證件相更係重視萬分。

成日都聽人講去韓國必定要影證件相,但究竟係咪真係咁無敵,係人去親都滿意?記者這次親身去到韓國首爾的年青人集中地梨大,隨意找一間不用預約的中低價普通影樓,睇睇是咪真係咁堅!

基本上,韓國人普遍都十分喜歡影相,而對於影證件相這回事,他們都是認真又重視。要在首爾找影樓並不困難,尤其在大學生區,例如梨大、弘大等一帶,影樓四處都有。影證件相價錢一般最便宜由1萬韓圜(約HK$70)起跳,至十數萬韓圜,豐儉由人。今次我們在梨大街頭看見一間只需要1.5萬韓圜(約HK$100),就可以有24張證件相的小店,門口只有一個易拉架,需要行一層落地牢,毫不起眼,不過有中英文字明碼實價,看來做慣外國人生意。

這間小店有點殘舊,影樓面積只是大約400多平方呎,但麻雀雖小五臟俱全,跟其他大公司一樣,有齊白恤衫、黑西裝褸等提供,而且還有齊化妝品給女士補妝,男士都同樣受到照顧,有髮泥噴髮膠等方便顧客在拍照前可以整理下一頭亂髮。化妝間仲有幾塊超大全身鏡任你照爆鏡。

在攝影棚坐低已經令你驚訝,竟然有3塊反光板從下照住你,抬頭仲有2塊反射燈光,只計器材已經令你充滿信心!接着攝影師很快手1分鐘多的時間內,已經會幫你「咔嚓」了十多張相,途中會不停「幫眼」,提醒你瀏海有無亂、有無駝背、衣領有無歪等,很細心。而且笑得耐笑容都會彊埋,分分鐘變「黑面」,所以一分鐘搞掂剛剛好。

影完一般已經會開始執相,你未開口,攝影師已經「自動波」以神速級技巧執相,衣服歪掉、頭毛彈出、滿臉暗粒,他都有辦法「執正」。可能他們都做慣做熟,知道客人大概會有甚麼需要,故我都沒地方要求再執,當然如果你有自己要求可以提出,他們一般不會拒絕。最正是他執完首輪會先印一張出來,查看實物效果,然後再執,最終會執出兩款供客人選擇。

韓國攝影師較滿意把我皮膚變白、下巴變尖、五官收窄那張;惟我自己則喜歡執得較自然那張。執相後,可以立即印刷,攝影師知道我是遊客,更會特別多送數款不同尺寸的照片。雖然店面寫需時10分鐘,但其實整個過程5分鐘已完成,認真「快靚正」!

Doorae Studio

地址:首爾市大峴洞56-60號地下一層

價錢:15,000韓圜(約HK$100)

交通:梨大站2號出口行約5分鐘


來源 source: http://hk.on.cc
鍾意就快D Share啦!