網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年6月16日 星期四

乖乖女變身 [壹週刊 - 1371] __,M1,

阿寶和她的男朋友阿偉(左)開設的「何蘭正」酒吧,裝修成懷舊港式唐樓,售賣本地出產的手工啤酒,每杯售五十至八十元。坦白講乖乖女變身「何阿寶,二十三歲,今年初與同居男朋友在中環蘇豪區,開設酒吧「何蘭正」,專賣本地釀製的手工啤酒。她生於小康之家,本是個乖乖女任職鋼琴教師,五年前認識男朋友後生活徹底改變,自言「付出一切去成就男朋友嘅夢想」。「何蘭正」你哋覺得係粗口諧音,但我就話呢個係高貴女人嘅名字,係我同 ...


阿寶和她的男朋友阿偉(左)開設的「何蘭正」酒吧,裝修成懷舊港式唐樓,售賣本地出產的手工啤酒,每杯售五十至八十元。

坦白講

乖乖女變身

「何阿寶,二十三歲,今年初與同居男朋友在中環蘇豪區,開設酒吧「何蘭正」,專賣本地釀製的手工啤酒。她生於小康之家,本是個乖乖女任職鋼琴教師,五年前認識男朋友後生活徹底改變,自言「付出一切去成就男朋友嘅夢想」。

「何蘭正」你哋覺得係粗口諧音,但我就話呢個係高貴女人嘅名字,係我同男友一齊諗出嚟。舊時香港涼茶鋪通常用人名做店名,啤酒係鬼佬涼茶,所以我哋就……好高興大家有咁多聯想。

我男朋友係一個酒鬼,試過飲到爛醉,企喺街邊欄杆嘔到不省人事。我哋係朋友介紹認識,成長背景和價值觀都好唔同,佢帶我進入咗一個完全唔同嘅世界。好似佢一直夢想開餐廳,兩年前,我家樓下開咗間手工啤酒吧,當時全港只得三、四間,我哋一飲就愛上,因為有獨特口味,例如:芥末、紅桑子、咖啡、香茅等。我哋而家賣嘅啤酒,大部分都係來自本地啤酒廠,我好鍾意本土嘢,曾參與佔中預演被捕,反而我男朋友就唔係好睇新聞。

我以前係滴酒不沾嘅人,典型中產家庭乖乖女,父母係怪獸家長,要我多才多藝,要求嚴格。不過我中學時就發現,自己唔係讀書材料,所以讀到中七就做鋼琴老師。教鋼琴好好搵,月入最少有二萬元,最多試過四萬元,時間又具彈性,仲有好多私人時間。

壓力

我每晚喺酒吧做到凌晨三點,有時六點天光先返屋企瞓,瞓醒第一時間檢查公司電子郵件,之後才刷牙洗面,跟住唔得閒食嘢就要衝返酒吧開工。以前喺屋企,家務有工人做,而家酒吧嘅碗、碟、杯都要自己洗,仲有制服要摺、枱櫈要執,乜都要自己落手做。

每日工作十幾個鐘,日夜顛倒,一個月先見屋企人一次。父母起初好反對,認為酒吧係唔正經嘅地方,到而家我都唔敢話俾其他親戚聽。我哥哥係品學兼優嘅乖仔,覺得俾朋友知道自己妹妹開酒吧,會有損形象。不過後來佢哋見我咁堅持,都算接受咗,仲打本超過十萬蚊俾我開鋪,其餘大部分資金就係男朋友出。

物質嘅嘢,以前要乜有乜,從來未試過為錢擔心,但如今唔可以次次攤大手板問屋企攞錢,試過慳到連一個麵包都唔敢買。我哋開鋪成本三百萬元,每月營運成本六十多萬,現時每月只做到大約四十五萬元生意,要「乾爸爹」先得。

開咗「何蘭正」後,我同男朋友每日嘅話題幾乎都圍繞公司,每晚臨瞓前都講緊聽日要入咩貨、聯絡咩人。我哋為咗間鋪,差唔多日日嘈交。佢對好多細節都好執着,係要求好高嘅人,為咗每一塊磚用咩顏色、枱櫈杯碟放喺邊,都可以嘈一餐。

但我好多謝男朋友,令我見識到另一片天空。為咗佢,原來我可以無底線,可以承受咁多壓力。

撰文:關卓凌

攝影、攝錄:高仲明


鍾意就快D Share啦!